തെരുവുനായ്ക്കളെ ഇല്ലായ്മ ചെയ്യാൻ തടസം കേന്ദ്ര ചട്ടങ്ങൾ: മന്ത്രി എംബി രാജേഷ്

കാട്ടുപന്നികളെ വെടിവെച്ചുകൊല്ലാൻ അനുമതി നൽകിയതിന് സമാനമായി മനുഷ്യജീവനു ഭീഷണിയായ തെരുവ്​നായ്ക്കളെ കൊല്ലാൻ കഴിയുമോ എന്ന കാര്യം സർക്കാർ പരിശോധിച്ചു വരികയാണ് ത് എന്ന് തദേശസ്വയംഭരണ മന്ത്രി എം.ബി. രാജേഷ്. കർശന നിബന്ധനകളോടെ തെരുവുനായ്ക്കളെ ഇല്ലാതാക്കാൻപറ്റുമോയെന്ന്​ സർക്കാർ നിയമവൃത്തങ്ങളുമായി കൂടിയാലോചിച്ചു​വരികയാണ് . സംസ്ഥാനത്ത്​ തെരുവുനായ്ക്കളുടെ വന്ധ്യംകരണത്തിന്​ തടസ്സം അനിമൽ വെൽ​ ഫെയർയർ ബോർഡ്​ ഓഫ്​ ഇന്ത്യയുടെ കർക്കശ ചട്ടങ്ങളാണെന്നും വാർത്താ സമ്മേളനത്തിൽ മന്ത്രി വ്യക്തമാക്കി.

Also Read: തൃശൂരിൽ തെരുവുനായ ആക്രമണം; വിദ്യാർത്ഥിയുടെ പല്ലുകൾ പോയി, മുഖത്തും പരുക്ക്

തെരുവുനായ്ക്കളുടെ വന്ധ്യംകരണത്തിന്​ നിലവിൽ സംസ്ഥാനത്ത്​ 20 എ.ബി.സി സെന്‍ററുകളുണ്ട്​. പുതുതായി 25 ​സെന്‍ററുകൾ ഉടൻ ആരംഭിക്കും. നിലവവിൽ പരിശീലനം ലഭിച്ച 428 പട്ടിപിടുത്തകാരാണ്​ സംസ്ഥാനത്തുള്ളത്​. പുതുതായി 1000 പേർക്കുകൂടി പട്ടിപിടുത്തത്തിൽ പരിശീലനം നൽകും. ഇതിനായി കുടുംബശ്രീയിൽനിന്നും പട്ടിക തേടിയിട്ടുണ്ട്​ എന്നും മന്ത്രി അറിയിച്ചു.

Also Read: ജോലിയിൽ നിന്നും പിരിച്ചുവിട്ടു; ഓഫീസിന് ബോംബ് വെച്ചിട്ടുണ്ടെന്ന വ്യാജസന്ദേശം നൽകിയ മലയാളി പിടിയിൽ

തെരുവുനായ്ക്കളുടെ ശല്യം പരിഹരിക്കാൻ കേന്ദ്ര സർക്കാർ ചട്ടങ്ങൾ ലഘൂകരിക്കണമെന്ന്​ എന്നാവശ്യപ്പെട്ടും കുടുംബശ്രീയെ എ.ബി.സി പ്രവർത്തനങ്ങളിൽനിന്നും വിലക്കിയ അനിമൽ വെൽ​ ഫെയർ ബോർഡ്​ നടപടിക്കെതിരെയും സംസ്ഥാന സർക്കാർ ഹൈക്കോടതിയെ സമീപിക്കുമെന്നും മന്ത്രി പറഞ്ഞു.

വന്ധ്യംകരണത്തിന്​ ഫണ്ട്​ പ്രശ്​നമില്ല. സർക്കാർ നടപ്പു വർഷം 10.36 കോടി വകയിരുത്തിയിട്ടുണ്ട്​. 479 തദേശഭരണ സ്ഥാപനങ്ങൾ മാത്രമേ ​ പ്രോജക്ട്​ വെച്ചിട്ടുള്ളു. ഫണ്ട്​ നീക്കി​വെക്കാത്ത തദേശഭരണ സ്ഥാപനങ്ങളോട്​ അടിയന്തരമായി ഫണ്ട്​ നീക്കിവെക്കാൻ ആവശ്യപ്പെട്ടിട്ടുണ്ട്​ എന്നും മന്ത്രി അറിയിച്ചു.