സംസ്ഥാനത്ത് കനത്ത മഴ ഇന്നും തുടരും. അഞ്ച് ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചു. ആലപ്പുഴ, എറണാകുളം, തൃശൂര്‍, കോഴിക്കോട്, കണ്ണൂര്‍ ജില്ലകളിലാണ് യെല്ലോ അലേര്‍ട്ട് പ്രഖ്യാപിച്ചത്. കേരളാ തീരത്ത് ശക്തമായ കടലാക്രമണത്തിന് സാധ്യതയുണ്ട്. അപകട മേഖലകളില്‍ നിന്ന് മാറിത്താമസിക്കണമെന്ന് നിര്‍ദേശമുണ്ട്.
Also Read- തിരുവനന്തപുരം പൊഴിയൂരില്‍ രൂക്ഷമായ കടലാക്രമണം, ആറ് വീടുകള്‍ പൂര്‍ണമായി തകര്‍ന്നു
അതിനിടെ തിരുവനന്തപുരം പൊഴിയൂരിലുണ്ടായ രൂക്ഷമായ കടലാക്രമണത്തില്‍ നിരവധി വീടുകള്‍ തകര്‍ന്നു. കൊല്ലംകോട് ഭാഗത്തെ ഒരു കിലോമീറ്ററോളം റോഡ് പൂര്‍ണമായും കടലെടുത്തു. ഇന്നലെ വൈകുന്നേരം ആറ് മണിയോടെയാണ് പൊഴിയൂരില്‍ ശക്തമായ കടലാക്രമണം ഉണ്ടായത്. എഴുപതിലധികം വീടുകളില്‍ വെള്ളം കയറി.
Also Read- ഷാജന്‍ സ്‌കറിയയ്ക്ക് തിരിച്ചടി, മറുനാടന്റെ ആവശ്യം കോടതി തള്ളി
കടലാക്രമണത്തെ തുടര്‍ന്ന് ആളുകളെ പൊഴിയൂര്‍ ഗവണ്‍മെന്റ് യു.പി സ്‌കൂളിലേക്ക് മാറ്റാനുള്ള ശ്രമം നടത്തിയെങ്കിലും വൈദ്യുതി ഇല്ലാതിരുന്നത് തിരിച്ചടിയായി. വീട്ടില്‍ വെള്ളം കയറിയതിനെ തുടര്‍ന്ന് ആളുകള്‍ ബന്ധുവീടുകളിലേക്ക് മാറി. ശക്തമായ മഴയും ഉയര്‍ന്ന തിരമാലയും കഴിഞ്ഞ ദിവസങ്ങളില്‍ പ്രദേശത്ത് ഉണ്ടായിരുന്നു. കൊല്ലംകോട് നിന്ന് തമിഴ്നാട് അതിര്‍ത്തിയായ നീരോടിയിലേക്കുള്ള റോഡ് പൂര്‍ണമായും കടലെടുത്തു
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
