“ചന്ദ്രയാൻ – 3 പരാജയപ്പെടും”; വിവാദ കുറിപ്പുമായി കർണാടക അധ്യാപകൻ

ഇന്ത്യയുടെ അഭിമാനമായ ചന്ദ്രയാൻ – 3 ദൗത്യം പരാജയപ്പെടുമെന്ന വിവാദ പോസ്റ്റുമായി കർണാടകയിലെ അധ്യാപകൻ. മല്ലേശ്വരം പിയു കോളജിലെ കന്നട അധ്യാപകൻ ഹുലികുണ്ടെ മൂർത്തിയാണ് ഐഎസ്ആർഒയുടെ ചാന്ദ്രദൗത്യത്തെ പരിഹസിച്ച് ട്വിറ്ററിൽ പോസ്റ്റിട്ടത്. കുറിപ്പ് വിവാദമായതോടെ സംസ്ഥാന സർക്കാർ അധ്യാപകനോട് വിശദീകരണം ആവശ്യപ്പെട്ടിരിക്കുകയാണ് ചന്ദ്രയാൻ-3 ഇത്തവണയും പരാജയപ്പെടും എന്നായിരുന്നു മൂർത്തിയുടെ ട്വീറ്റ്.

Also Read :“മന്ത്രിയുടെ ഓഫീസിൽ സംഭവിച്ചത് അത്ഭുതപ്പെടുത്തി; എവിടെയും മറുപടി പറയാതെ ഞാനോടുകയായിരുന്നു”; യുവ സംരഭകയുടെ അനുഭവക്കുറിപ്പ്

തിങ്കളാഴ്ചയാണ് ചന്ദ്രയാൻ -മൂന്നിനെ കുറിച്ചുള്ള മൂർത്തിയുടെ സമൂഹമാധ്യമ പോസ്റ്റ് തന്‍റെ ശ്രദ്ധയിൽപെടുന്നതെന്ന് പ്രീ യൂനിവേഴ്സിറ്റി ഡെപ്യൂട്ടി ഡയറക്ടർ പറഞ്ഞു. അധ്യാപകനോട് വിശദീകരണം ആവശ്യപ്പെട്ടിട്ടുണ്ട് എന്നും അദ്ദേഹം അറിയിച്ചു. ബുധനാഴ്ച അദ്ദേഹം മറുപടി നൽകും. ഇതിന്‍റെ അടിസ്ഥാനത്തിൽ തുടർനടപടി സ്വീകരിക്കുമെന്നും ഡെപ്യൂട്ടി ഡയറക്ടർ വ്യക്തമാക്കി.