ഊണിന് നാടന്‍ ചിക്കന്‍ ലിവര്‍ ഫ്രൈ ആയാലോ ?

ഊണിന് നാടന്‍ ചിക്കന്‍ ലിവര്‍ ഫ്രൈ ആയാലോ ? നല്ല കിടിലന്‍ രുചിയില്‍ നാടന്‍ ചിക്കന്‍ ലിവര്‍ ഫ്രൈ തയ്യാറാക്കുന്നത് എങ്ങനെയെന്ന് നോക്കാം

ചേരുവകള്‍

1.ചിക്കന്‍ ലിവര്‍ – അര കിലോ

2. സവാള – 2 എണ്ണം (നീളത്തിലരിഞ്ഞത്)

3. പച്ചമുളക് – നാലെണ്ണം (നീളത്തിലരിഞ്ഞത്)

4. ഇഞ്ചി – ഒരു കഷണം (നീളത്തിലരിഞ്ഞത്)

5. വെളുത്തുള്ളി – 10 അല്ലി (നീളത്തിലരിഞ്ഞത്)

6. മഞ്ഞള്‍പൊടി – അര സ്പൂണ്‍

7. മുളകുപൊടി – ഒന്നര സ്പൂണ്‍

8. മല്ലിപ്പൊടി – 1 സ്പൂണ്‍

9. സോയ സോസ് – 2 സ്പൂണ്‍

10. ടുമാറ്റോ സോസ് – ഒന്നര സ്പൂണ്‍

11. പഞ്ചസാര – അര സ്പൂണ്‍

12. നാരങ്ങാത്തൊലി ചീകിയത് – അര സ്പൂണ്‍

13. ഉപ്പ്, എണ്ണ – ആവശ്യത്തിന്

തയ്യാറാക്കുന്ന വിധം

പാനില്‍ എണ്ണയിട്ട് 2, 3, 4, 5 കൂട്ടുകള്‍ വഴറ്റുക

ശേഷം 6, 7, 8 എന്നിവ ചേര്‍ത്തു മൂപ്പിക്കുക

ഈ കൂട്ടിലേക്കു ചിക്കന്‍ ലിവറും ആവശ്യത്തിനു വെള്ളവും ഉപ്പും ചേര്‍ത്തു ചെറുതീയില്‍ വേവിക്കുക.

ഇതിലേക്ക് 9, 10 എന്നിവ ചേര്‍ത്തിളക്കി യോജിപ്പിക്കുക

ശേഷം പഞ്ചസാരയും നാരങ്ങാത്തൊലിയും ചേര്‍ത്തു വരട്ടിയ കൂട്ട് പാത്രത്തിലേക്കു മാറ്റുക.