സിംപിളായി വീട്ടിലുണ്ടാക്കാം കിടിലന്‍ ടേസ്റ്റില്‍ ചിക്കന്‍ മോമോസ്

സിംപിളായി വീട്ടിലുണ്ടാക്കാം കിടിലന്‍ ടേസ്റ്റില്‍ ചിക്കന്‍ മോമോസ്. വളരെ കുറഞ്ഞ സമയത്തിനുള്ളില്‍ ഇത് തയ്യാറാക്കുന്നത് എങ്ങനെയെന്ന് നോക്കിയാലോ ?

ചേരുവകള്‍

1.മൈദ – 500 ഗ്രാം

എണ്ണ – ഒരു വലിയ സ്പൂൺ

ഉപ്പ് – പാകത്തിന്

2.ചിക്കൻ വേവിച്ചു മിൻസ് ചെയ്തത് – 250 ഗ്രാം

3.എണ്ണ – ഒരു ചെറിയ സ്പൂൺ

4. പച്ചമുളക് – രണ്ട്, പൊടിയായി അരിഞ്ഞത്

സവാള – രണ്ട്,പൊടിയായി അരിഞ്ഞത്

ഇഞ്ചി – ഒരിഞ്ചു കഷണം, പൊടിയായി അരിഞ്ഞത്

വെളുത്തുള്ളി – രണ്ട് അല്ലി, പൊടിയായി അരിഞ്ഞത്

കാബേജ് – കാൽ കപ്പ്, പൊടിയായി അരിഞ്ഞത്

കാരറ്റ് – കാൽ കപ്പ്, പൊടിയായി അരിഞ്ഞത്

5. സോയാസോസ് – ഒരു ചെറിയ സ്പൂൺ

6. ഉപ്പ് – പാകത്തിന്

പാകം ചെയ്യുന്ന വിധം

മൈദ, എണ്ണ,  ഉപ്പ് എന്നിവ  പാകത്തിനു വെള്ളം ചേർത്തു നന്നായി കുഴച്ചു മയമുള്ള മാവു തയാറാക്കുക.

എണ്ണ ചൂടാക്കി നാലാമത്തെ ചേരുവ ചേർത്തു വഴറ്റണം. ഇതിൽ ചിക്കനും സോയാസോസും ഉപ്പും ചേർത്തിളക്കി യോജിപ്പിക്കണം.

മാവ് ചെറിയ ഉരുളകളക്കി, ഓരോ ഉരുളയും വട്ടത്തിൽ പരത്തുക. ഇതു കൈവെള്ളയിൽ വച്ചശേഷം നടുവിൽ ഓരോ ചെറിയ സ്പൂൺ ഫില്ലിങ് വച്ച്, മറ്റേ വശത്തേക്കു ചേർത്ത് ചന്ദ്രക്കല ആകൃതിയിലാക്കി അറ്റം ഒട്ടിക്കുക.

അപ്പച്ചെമ്പിന്റെ തട്ടിൽ നിരത്തി, 20 മിനിറ്റ് ആവിയിൽ വേവിക്കുക.