രാഹുൽ ഗാന്ധിക്കെതിരെ വിമർശനവുമായി അസം മുഖ്യമന്ത്രി ഹിമന്ത ബിശ്വ ശർമ്മ. ‘ഗാന്ധി’ എന്നത് കുടുംബ പേരായി തട്ടിയെടുത്തതാണ് കോൺഗ്രസ് നടത്തിയ ആദ്യ അഴിമതി എന്ന് ഹിമന്ത ബിശ്വ ശർമ്മ ആരോപിച്ചു. ഗുവാഹത്തിയിൽ ബിജെപി മഹിളാ മോർച്ചയുടെ ദേശീയ എക്സിക്യൂട്ടീവ് യോഗത്തിൽ സംസാരിക്കുന്നതിനിടെയാണ് അസം മുഖ്യമന്ത്രി ഇക്കാര്യം പറഞ്ഞത്അഴിമതിയിൽ മുങ്ങി നിൽക്കുന്നവരാണ് രാഹുൽ ഗാന്ധിയും കുടുംബവും. രാഹുൽ തന്റെ പേരിലെ ‘ഗാന്ധി’ ഒഴിവാക്കണമെന്നും അസം മുഖ്യമന്ത്രി ആവശ്യപ്പെട്ടു.
ALSO READ:ലിയോയുടെ ‘നാ റെഡി’ ക്ക് കട്ടുമായി സെൻസർ ബോർഡ്
അധികാരത്തിലിരിക്കെ കോൺഗ്രസ് രാജ്യത്തിന് വേണ്ടി ഒന്നും ചെയ്തില്ലെന്നും നരേന്ദ്ര മോദി പ്രധാനമന്ത്രിയായതിന് ശേഷമാണ് ജനങ്ങളിൽ രാജ്യസ്‌നേഹത്തിന്റെ ആഴമായ വികാരം വളരുന്നതെന്നും ഹിമന്ത ശർമ്മ ഇതോടൊപ്പം ആരോപിച്ചു. ‘ഗാന്ധി’ കുടുംബം സ്വജനപക്ഷപാതം പ്രോത്സാഹിപ്പിക്കുകയും രാജ്യത്തെ തകർക്കാൻ ശ്രമിക്കുകയും ചെയ്തു. ഗാന്ധി പദവി തട്ടിയെടുത്തതാണ് ആദ്യ അഴിമതി. ഗാന്ധി കുടുംബം “ഡ്യൂപ്ലിക്കേറ്റ് ഗാന്ധിമാർ” ആണെന്നും അഴിമതികളിൽ മുങ്ങി നിൽക്കുകയാണെന്നുമാണ് ഹിമന്ത ബിശ്വ ശർമ്മ പറയുന്നത് .
ALSO READ:പുതുപ്പള്ളി എംഎൽഎയായി ചാണ്ടി ഉമ്മൻ സത്യപ്രതിജ്ഞ ചെയ്തു
രാജ്യം സ്വാതന്ത്ര്യം നേടിയതിന്റെ 25 വർഷമോ 50 വർഷമോ കോൺഗ്രസ് ആഘോഷിച്ചിട്ടില്ലെന്നും എന്നാൽ, പ്രധാനമന്ത്രി മോദി സ്വാതന്ത്ര്യത്തിന്റെ 75 വർഷം ആഘോഷിച്ചുവെന്നും അസം മുഖ്യമന്ത്രി പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
