‘മസ്കും രാമസ്വാമിയും നമുക്ക് പണിയുണ്ടാക്കി വയ്ക്കും’; രണ്ടാം ട്രംപ് സർക്കാറിലെ ഭീഷണികളെ തുറന്ന് പറഞ്ഞ് ചൈനീസ് ഉപദേഷ്ടാവ്

ടെക് ലോകത്തെ ശതകോടീശ്വരന്മാരായ എലോൺ മസ്‌കിൻ്റെയും ഇന്ത്യൻ വംശജനായ സംരംഭകൻ വിവേക് ​​രാമസ്വാമിയുടെയും നേതൃത്വത്തിൽ പുതിയ വകുപ്പുമായി ഗവൺമെൻ്റിനെ മാറ്റിമറിക്കാനുള്ള നിയുക്ത യുഎസ് പ്രസിഡൻ്റ് ഡൊണാൾഡ് ട്രംപിൻ്റെ പദ്ധതി ചൈനയ്ക്ക് ഭീഷണിയാകുമെന്ന് ചൈനീസ് ന​യ ഉ​പ​ദേ​ഷ്ടാ​വ് ഷെങ് യോ​ങ്നി​യ​ൻ. കാ​ര്യ​ക്ഷ​മ​ത​യു​ള്ള യു.​എ​സ് ഭ​ര​ണ​സം​വി​ധാ​നം ചൈ​ന​ക്കു​മേ​ൽ ക​ടു​ത്ത സ​മ്മ​ർ​ദ​മു​ണ്ടാ​ക്കു​മെ​ന്നും അ​ദ്ദേ​ഹം പ​റ​ഞ്ഞു.

“കൂടുതൽ കാര്യക്ഷമമായ യുഎസ് രാഷ്ട്രീയ സംവിധാനം ചൈനയുടെ നിലവിലെ സംവിധാനത്തിൽ വലിയ സമ്മർദ്ദം ചെലുത്തുമെന്നും ചൈ​ന​ക്ക് മാ​ത്ര​മ​ല്ല, യൂ​റോ​പ്പി​നും ഇത് നേ​രി​ടേ​ണ്ടി​വ​രും,” ചൈനീസ് യൂണിവേഴ്സിറ്റി ഓഫ് ഹോങ്കോങ്ങിലെ ഷെൻഷെൻ കാമ്പസിലെ സ്കൂൾ ഓഫ് പബ്ലിക് പോളിസി ഡീൻ കൂടിയായ ഷെങ്, ഇൻസ്റ്റിറ്റ്യൂട്ട് ആതിഥേയത്വം വഹിച്ച ബൈചുവാൻ ഫോറത്തിൽ സംസാരിക്കവെ പറഞ്ഞു.

ALSO READ; മഞ്ഞുവീഴ്ചയ്ക്കൊപ്പം ബെര്‍ട്ട് കൊടുങ്കാറ്റും; യുകെയിൽ ജാഗ്രതാനി‍ർദേശം

ദീ​ർ​ഘ​കാ​ലാ​ടി​സ്ഥാ​ന​ത്തി​ൽ യുഎ​സി​ൽ നടക്കുന്ന മാ​റ്റ​ങ്ങ​ളി​ൽ നി​ന്നാ​യി​രി​ക്കാം ചൈ​ന​ക്ക് ഏ​റ്റ​വും വ​ലി​യ സ​മ്മ​ർ​ദം നേ​രി​ടേ​ണ്ടി​വ​രി​ക. എ​ന്നാ​ൽ, ഭ​ര​ണ​സം​വി​ധാ​ന​ത്തി​ൽ മ​സ്കി​നെ​പോ​ലു​ള്ള പ്ര​തി​ഭ​ക​ൾ കൊ​ണ്ടു​വ​രു​ന്ന പ​രി​ഷ്‍കാ​ര​ത്തെ വി​ല​കു​റ​ച്ചു​ കാ​ണ​രു​തെന്നും അ​ദ്ദേ​ഹം മു​ന്ന​റി​യി​പ്പ് ന​ൽ​കി.

യുഎസിലേക്കുള്ള ചൈനയുടെ 427 ബില്യൺ ഡോളറിൻ്റെ വാർഷിക കയറ്റുമതിയിൽ 60 ശതമാനം താരിഫുകൾ ചുമത്തുമെന്ന ഭീഷണിയുമായാണ് അടുത്ത വർഷം ജനുവരി 20 മുതൽ ട്രംപ് അധികാരത്തിൽ എത്തുന്നത്. ട്രം​പ് ഭ​ര​ണ​കൂ​ട​ത്തി​ൽ സ​ർ​ക്കാ​ർ കാ​ര്യ​ക്ഷ​മ​ത വ​കു​പ്പി​ന്റെ ചു​മ​ത​ല​യാ​ണ് വ്യ​വ​സാ​യി ഇ​ല​ൺ മ​സ്കും ഇ​ന്ത്യ​ൻ വം​ശ​ജ​ൻ വി​വേക് രാ​മ​സ്വാ​മി​യും വ​ഹി​ക്കു​ക. സ​ർ​ക്കാ​ർ ജീ​വ​ന​ക്കാ​രു​ടെ എ​ണ്ണം ഗ​ണ്യ​മാ​യി വെ​ട്ടി​ക്കു​റ​ക്കു​ന്ന​ത​ട​ക്കം നി​ര​വ​ധി പ​ദ്ധ​തി​ക​ളാ​ണ് ഇ​വ​ർ ആ​സൂ​ത്ര​ണം ചെ​യ്തി​രി​ക്കു​ന്ന​ത്.