വൈറല്‍ ചലഞ്ചിനിടെ സോഷ്യല്‍ മീഡിയ ഇന്‍ഫ്‌ളുവന്‍സര്‍ മരിച്ചു. ചൈനയിലാണ് സംഭവം. വൈറല്‍ ഡ്രിങ്കിംഗ് ചലഞ്ചില്‍ അമിതമായി മദ്യപിച്ച സോങ് യുവാന്‍ ഹോങ് ഗേ (27) ആണ് മരിച്ചത്. ജൂണ്‍ രണ്ടിന് നടന്ന സംഭവം ഇപ്പോഴാണ് പുറത്തറിയുന്നത്.
ഒരു മാസത്തിനിടെ ഇത് രണ്ടാം തവണയാണ് ഇത്തരത്തിലുള്ള സംഭവം റിപ്പോര്‍ട്ട് ചെയ്യുന്നത്. കഴിഞ്ഞ മേയ് പതിനാറിന് സമാന സംഭവത്തില്‍ 34 കാരനായ സോഷ്യല്‍ മീഡിയ ഇന്‍ഫ്‌ളുവന്‍സര്‍ വാങ് മൗഫെങ് മരിച്ചിരുന്നു. ലൈവ് സ്ട്രീം കഴിഞ്ഞ് പന്ത്രണ്ട് മണിക്കൂറിന് ശേഷം വാങിനെ മരിച്ച നിലയില്‍ കണ്ടെത്തുകയായിരുന്നു.
കടം വീട്ടുന്നതിനായി ലൈവ് സ്ട്രീമിംഗിലൂടെ അമിതമായി പണം സമ്പാദിക്കാന്‍ ഹോങ് ശ്രമിച്ചിരുന്നതായി അദ്ദേഹത്തിന്റെ ഭാര്യ പറഞ്ഞു. ഹോങിന്റെ അക്കൗണ്ട് നിലവില്‍ ബാന്‍ ചെയ്തിരിക്കുകയാണെന്നും ഭാര്യ പ്രതികരിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
