സിട്രോണിന്‍റെ നാലാമത്തെ മോഡലായ സിട്രോൺ ബസാൾട്ട്, 2024 ഓഗസ്റ്റ് 2-ന് ഇന്ത്യൻ വിപണിയിലെത്തും . ഔദ്യോഗികമായി ലോഞ്ച് തീയതി ഇതുവരെ പ്രഖ്യാപിച്ചിട്ടില്ല. 2025-ൻ്റെ തുടക്കത്തിൽ ബസാൾട്ടിൻ്റെ ഇവിയും സിട്രോൺ അവതരിപ്പിക്കും.
ഏകദേശം 4.3 മീറ്റർ നീളമുള്ള സിട്രോൺ ബസാൾട്ടിന് C3 എയർക്രോസിനേക്കാൾ കൂടുതൽ ഫീച്ചറുകൾ ഉണ്ടായിരിക്കും. C3 എയർക്രോസിലെ പോലെ രണ്ട് ഭാഗങ്ങളുള്ള ഗ്രിൽ, ക്രോം ചെയ്ത ഷെവ്‌റോൺ ലോഗോ, ഫോക്‌സ് സിൽവർ സ്‌കിഡ് പ്ലേറ്റ്, എൽഇഡി ഡിആർഎല്ലുകൾ, ബോണറ്റ് എന്നിവയും ഇതിലുണ്ട്.പ്രൊജക്ടർ ഹെഡ്‌ലാമ്പുകൾ, വ്യത്യസ്‌ത ക്ലാഡിംഗുകളുള്ള സ്‌ക്വയർ-ഓഫ് വീൽ ആർച്ചുകൾ, ഇരുവശത്തും പിഞ്ച് ചെയ്ത വിൻഡോ ലൈനും ലഭിക്കുന്നു. സി-പില്ലറിന് വിൻഡോ ലൈനിൻ്റെ ബ്ലാക്ക്-ഔട്ട് എക്സ്റ്റൻഷൻ ഉണ്ട്. പുൾ-ടൈപ്പ് ഡോർ ഹാൻഡിലുകൾ,പുതുതായി രൂപകൽപ്പന ചെയ്ത ടെയിൽലാമ്പുകൾ, കറുപ്പും സിൽവറും ഫിനിഷുള്ള ഡ്യുവൽ-ടോൺ ബമ്പർ എന്നിവയും ഇതിലുണ്ട്.
ഓട്ടോമാറ്റിക് ക്ലൈമറ്റ് കൺട്രോൾ, ഇലക്ട്രിക് ഫോൾഡിംഗ് മിററുകൾ, വയർലെസ് ചാർജിംഗ്, പുഷ്-ബട്ടൺ സ്റ്റാർട്ട്, കീലെസ് എൻട്രി, ക്രൂയിസ് കൺട്രോൾ തുടങ്ങിയ ഫീച്ചറുകൾ നൽകിയേക്കാം.
കൂപ്പെ എസ്‌യുവിയിൽ ഡിജിറ്റൽ ഇൻസ്ട്രുമെൻ്റ് ക്ലസ്റ്റർ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ കണക്റ്റിവിറ്റിയുള്ള 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, കണക്റ്റഡ് കാർ ടെക്, സ്റ്റിയറിംഗ് മൗണ്ടഡ് കൺട്രോളുകൾ, ക്രമീകരിക്കാവുന്ന ഹെഡ്‌റെസ്റ്റുകൾ, ഫ്രണ്ട് ആൻഡ് റിയർ യുഎസ്‌ബി ചാർജറുകൾ, ഹിൽ ഹോൾഡ് കൺട്രോൾ ഡ്യുവൽ എയർബാഗുകൾ, ഇബിഡി ഉള്ള എബിഎസ്, റിവേഴ്സ് പാർക്കിംഗ് സെൻസറുകൾ, ടയർ പ്രഷർ മോണിറ്ററിംഗ് സിസ്റ്റം തുടങ്ങിയ ഫീച്ചറുകളും വാഹനത്തിന് ലഭിച്ചേക്കും.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
