ഹൈദരബാദിലെ പഞ്ചനക്ഷത്ര ഹോട്ടലില്‍ കൊക്കെയ്ന്‍ പാര്‍ട്ടി നടത്തിയ ബിജെപി നേതാവിന്റെ മകൻ പിടിയിൽ. ആന്ധ്രാ പ്രദേശ് മുന്‍ മുഖ്യന്ത്രിയുടെ കൊച്ചുമകനും പ്രമുഖ ബിജെപി നേതാവ് ജി യോഗാനന്ദിന്റെ മകനുമായ ഗജ്ജല വിവേകാനന്ദിനെ(37) ആണ് പൊലീസ് അറസ്റ്റ് ചെയ്തത്. ഇയാൾ ഉൾപ്പെടെ പത്ത് പ്രതികളെയാണ് പൊലീസ് പിടികൂടിയത്.
പൊലീസിന് രഹസ്യവിവരം ലഭിച്ചതിനെത്തുടർന്ന് അന്വേഷണം നടത്തുമ്പോഴാണ് സംഘം പിടിയിലായത്. മാരക ലഹരിമരുന്നുകള്‍ ഇവരിൽ നിന്നും പിടിച്ചെടുത്തു. താനാണ് പഞ്ചനക്ഷത്ര ഹോട്ടലില്‍വെച്ച് ഈ പാര്‍ട്ടി നടത്തിയതെന്ന് ചോദ്യംചെയ്യലില്‍ വിവേകാനന്ദ് പൊലീസിനോട് സമ്മതിച്ചിട്ടുണ്ട്.
പിടിയിലായ വിവേകാനന്ദ് മഞ്ജീര ഗ്രൂപ്പിന്റെ ഡയറക്ടറാണ്. വിവേകാനന്ദിന്റെ പിതാവ് ജി യോഗാനന്ദ് തെലങ്കാനയിലെ നിയമസഭയിലേക്ക് മത്സരിച്ച വ്യക്തിയാണ്. സംഭവത്തിൽ അന്വേഷണം വ്യാപിപ്പിക്കുമെന്ന് പൊലീസ് പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
