പുതിയ പ്രണയബന്ധത്തെ ചൊല്ലിയുണ്ടായ തര്‍ക്കത്തെ തുടര്‍ന്ന് കൂടെ കഴിഞ്ഞിരുന്ന ഗേ പങ്കാളിയെ യുവാവ് കുത്തിക്കൊലപ്പെടുത്തി. ബിബിഎ വിദ്യാര്‍ഥിയായ യുവാവാണ് മഹാരാഷ്ട്രയിലെ വഘോളിയില്‍ കഴിഞ്ഞ ദിവസം കുത്തേറ്റ് മരിച്ചത്. കോളജ് ഹോസ്റ്റലിൽ വെച്ചായിരുന്നു സംഭവം. പുതിയ പ്രണയബന്ധത്തെ ചൊല്ലി ഇരുവരും തമ്മിൽ തുടങ്ങിയ തര്‍ക്കം മുറുകിയതോടെ ബിബിഎ വിദ്യാര്‍ഥിയുടെ മേല്‍ മൂര്‍ച്ചയേറിയ ആയുധം കൊണ്ട് യുവാവ് കുത്തുകയായിരുന്നുവെന്നാണ് പൊലീസ് പറയുന്നത്.
അതേസമയം, നിലവിളി കേട്ട് ഓടിയെത്തിയ ഹോസ്റ്റല്‍ അധികൃതര്‍ വിദ്യാർത്ഥിയെ ഉടന്‍ തന്നെ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാന്‍ കഴിഞ്ഞില്ല. പങ്കാളി മരിച്ചുവെന്ന് കണ്ടതും കുത്തിയ യുവാവ് ഹോസ്റ്റലിൽ നിന്നും ഓടി രക്ഷപെട്ടു. ഇയാള്‍ക്കായുള്ള അന്വേഷണം പൊലീസ് ഊർജിതമാക്കിയിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
