വാണിജ്യ ആവശ്യങ്ങള്‍ക്കുള്ള പാചക വാതക സിലിണ്ടര്‍ വില 102 രൂപ വര്‍ദ്ധിച്ചു. 19 കിലോ സിലിണ്ടറിന്റെ വിലയാണ് എണ്ണക്കമ്പനികള്‍ കുത്തനെ ഉയര്‍ത്തിയത്. ഇതോടെ രാജ്യത്ത് പാചകവാതക സിലിണ്ടറിന്റെ വില 1842 രൂപയായി. വീട്ടാവശ്യത്തിനുള്ള സിലിണ്ടറിന്റെ വില മാറ്റമില്ലാതെ തുടരുകയാണ്.എന്നാല്‍ പുതിയ വിലവര്‍ധനവ് ഹോട്ടല്‍ മേഖലയെ ആശങ്കയിലാക്കിയിരിക്കുകയാണ്.
ALSO READ: നിരാഹാരത്തിൽനിന്ന് പിൻമാറില്ലെന്ന നിലപാട് കടുപ്പിച്ച് ജരാങ്കെ പാട്ടീൽ
കഴിഞ്ഞ മാസം 209 രൂപയായിരുന്നു 19 കിലോയുടെ വാണിജ്യ ആവശ്യങ്ങള്‍ക്കുള്ള പാചക വാതക സിലിണ്ടറിന്റെ വിലയില്‍ വര്‍ധനവുണ്ടായത്. അതിനെ പിറകേയാണ് ഇപ്പോള്‍ നൂറു രൂപയോളം വര്‍ദ്ധിച്ചത്. സെപ്തംബറില്‍ വാണിജ്യ സിലിണ്ടര്‍ വില 160 രൂപ കുറച്ചിരുന്നു. പിന്നാലെയാണ് വന്‍ വര്‍ധനവു ഉണ്ടായിരിക്കുന്നത്.
അവശ്യസാധനങ്ങളുടെ വിലവര്‍ധനവിന് പുറമെ പാചകവാതകത്തിന്റെയും വില പലപ്പോഴായി വര്‍ധിപ്പിക്കുന്നത് ഹോട്ടല്‍ വ്യവസായത്തെതന്നെ പ്രതിസന്ധിയിലാക്കുകയാണെന്നാണ് ഹോട്ടല്‍ മേഖലയിലുള്ളവര്‍ പറയുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
