കോൺഗ്രസ് പ്രവർത്തകർ കയ്യേറ്റം ചെയ്തു ; കോഴിക്കോട് ബേപ്പൂർ റൂട്ടിൽ സ്വകാര്യ ബസ് ജീവനക്കാരുടെ മിന്നൽ പണിമുടക്ക്

കോഴിക്കോട് ബേപ്പൂർ റൂട്ടിൽ സ്വകാര്യ ബസ് ജീവനക്കാരുടെ മിന്നൽ പണിമുടക്ക്. അരക്കിണറിൽ ബസ് ജീവനക്കാരനെ കോൺഗ്രസ് പ്രവർത്തകർ കയ്യേറ്റം ചെയ്തു എന്ന് ആരോപിച്ചാണ് സമരം. ബേപ്പൂർ – പുതിയാപ്പ റൂട്ടിലോടുന്ന ‘കാശിനാഥൻ’ എന്ന ബസിലെ കണ്ടക്ടർ ആയ അരക്കിണർ ചെറുകുറ്റി പറമ്പ് റോസ് മഹലിൽ സലീമിന് (50) ആണ് പരുക്കേറ്റത്. സലീം ഇപ്പോൾ ചികിത്സയിലാണ്.