മുംബൈയിൽ അനസ്തേഷ്യ നൽകിയതിന് പിന്നാലെ പൊലീസ് ഉദ്യോഗസ്ഥ മരിച്ചു. മുംബൈ പൊലീസ് ഉദ്യോഗസ്ഥയായ 28 വയസ്സുകാരിയാണ് മരിച്ചത്. ലോഖണ്ഡ് വാലിയിലെ ആക്സിസ് ആശുപത്രിയിലാണ് സംഭവം.
ALSO READ: കഴുത്തിൽ പെരുമ്പാമ്പിനെ ചുറ്റി അഭ്യാസ പ്രകടനം: 60-കാരന് ദാരുണാന്ത്യം
ചെവിക്കുള്ള ശസ്ത്രക്രിയയ്ക്ക് വേണ്ടി ആശുപത്രിയിൽ എത്തിയതായിരുന്നു പൊലീസ് കോൺസ്റ്റബിളായ ഗൗരി സുഭാഷ് പാട്ടീൽ. ശസ്ത്രക്രിയയ്ക്ക് മുൻപ് അനസ്തേഷ്യ സ്വീകരിച്ചതോടെ ഇവരുടെ ആരോഗ്യ നില വഷളായി. തുടർന്ന് വ്യാഴാഴ്ച രാത്രിയോടെ മരണത്തിന് കീഴടങ്ങുകയായിരുന്നു.
ഗൗരിയുടെ മൃതദേഹം പോസ്റ്റ്മോർട്ടത്തിനായി മാറ്റി. ഈ റിപ്പോർട്ട് പുറത്തുവന്നാൽ മാത്രമേ മരണകാരണം വ്യക്തമാകൂ. അതേസമയം സംഭവവുമായി ബന്ധപ്പെട്ട് അംബോലി പോലീസ് സ്‌റ്റേഷനിൽ അസ്വാഭാവിക മരണത്തിന് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
