നടിയുടെ ലൈംഗിക പീഡനക്കേസില്‍ നടന്‍ മുകേഷ് സമര്‍പ്പിച്ച മുന്‍കൂര്‍ ജാമ്യാപേക്ഷ എറണാകുളം ജില്ലാ സെഷന്‍സ് കോടതി നാളെ പരിഗണിക്കും. മുന്‍കൂര്‍ ജാമ്യാപേക്ഷ നേരത്തെ പരിഗണിച്ച കോടതി ഈ മാസം 3 വരെ മുകേഷിന്റെ അറസ്റ്റ് തടഞ്ഞിരുന്നു. താന്‍ നിരപരാധിയാണെന്നും പരാതിക്കാരി പണം ആവശ്യപ്പെട്ട് ബ്ലാക്ക്മെയില്‍ ചെയ്തതായും മുകേഷ് ജാമ്യഹര്‍ജിയില്‍ ചൂണ്ടിക്കാട്ടിയിരുന്നു. പരാതിക്കാരി ബ്ലാക്ക്മെയില്‍ ചെയ്തതിന്‍റെ തെളിവുള്‍പ്പടെ മുകേഷ് തന്‍റെ അഭിഭാഷകന് കൈമാറിയിരുന്നു.
ഈ തെളിവുകളെല്ലം നാളെ കോടതിയില്‍ സമര്‍പ്പിക്കും. പീഡനക്കേസില്‍ പ്രതിയായ കോണ്‍ഗ്രസ്സ് നേതാവ് വിഎസ് ചന്ദ്രശേഖരന്‍ സമര്‍പ്പിച്ച മുന്‍കൂര്‍ ജാമ്യാപേക്ഷയും സെഷന്‍സ് കോടതി നാളെ പരിഗണിക്കും. ചന്ദ്രശേഖരന്‍റെയും അറസ്റ്റ്, കോടതി താല്‍ക്കാലികമായി തടഞ്ഞിരുന്നു. അതേസമയം, മുകേഷിന്‍റെയും ചന്ദ്രശേഖരന്‍റെയും മുന്‍കൂര്‍ ജാമ്യാപേക്ഷയെ എതിര്‍ത്ത് പൊലീസ് നാളെ കോടതിയില്‍ സത്യവാങ്ങ്മൂലം സമര്‍പ്പിച്ചേക്കും.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
