ഗോമൂത്രം കുടിച്ചാൽ രോഗങ്ങൾ മാറുമെന്ന വിചിത്ര വാദവുമായി മദ്രാസ് ഐഐടി ഡയറക്ടർ രംഗത്ത്. അച്ഛൻ പനി വന്നപ്പോൾ സന്യാസിയുടെ നിർദേശപ്രകാരം ഗോമൂത്രം കുടിച്ചുവെന്നും അങ്ങനെ പനി മാറിയെന്നുമാണ് മദ്രാസ് ഐഐടി ഡയറക്ടർ വി കാമകോടിയുടെ വാദം.
ജനുവരി 15-ന് മാട്ടുപൊങ്കൽ ദിനത്തിൽ ‘ഗോ സംരക്ഷണ ശാല’യിൽ നടന്ന പരിപാടിയിൽ പങ്കെടുക്കുന്നതിനിടെയാണ് കാമകോടിയുടെ പരാമർശം. ബാക്ടീരിയേയും ഫംഗസിനേയും നശിപ്പിക്കാൻ ഗോമൂത്രത്തിന് കഴിയുമെന്നും പറഞ്ഞ് കാമകോടി ‘ഗോമൂത്ര’ത്തിൻ്റെ ‘ഔഷധമൂല്യത്തെ’ പ്രകീർത്തിക്കുന്ന വീഡിയോ ക്ലിപ്പ് സോഷ്യൽ മീഡിയയിൽ പ്രചരിക്കുന്നുണ്ട്.
#XPost | ஐஐடி மெட்ராஸ் இயக்குநர் காமகோடியின் பேச்சுக்கு கார்த்தி சிதம்பரம் எம்.பி. எதிர்ப்பு!#SunNews | #IITMadras | #Kamakoti | @KartiPC pic.twitter.com/gfzq6Utk8n
— Sun News (@sunnewstamil) January 18, 2025
Also Read: ബാബാ രാംദേവിനെതിരെ അറസ്റ്റ് വാറണ്ട്
വിദ്യാർഥി സംഘടനയായ ടിഎസ്എഫ് ശാസ്ത്രീയ വിരുദ്ധവും അടിസ്ഥാനരഹിതവുമായ കാമകോടിയുടെ പ്രസ്താവനക്കെതിരെ രംഗത്തെത്തി. ശാസ്ത്രീയമായി ഗോമൂത്രം പശുവിൻ്റെ വിസർജ്യമാണ്. അസുഖമുള്ള പശുവാണെങ്കിൽ ഗോമൂത്രം കുടിക്കുന്നത് മനുഷ്യർക്ക് ദോഷം ചെയ്യും. പശുവിന്റെ മൂത്രത്തിൽ രോഗം പരത്തുന്ന സൂക്ഷ്മാണുക്കൾ അടങ്ങിയിട്ടുണ്ട്. ഇത് കുടിച്ചാൽ മനുഷ്യർക്ക് വയറിളക്കം, പനി, ശ്വാസകോശ സംബന്ധമായ അസുഖങ്ങൾ ഉൾപ്പെടെയുള്ള പല രോഗങ്ങളുണ്ടാകുമെന്നും ജീവന് ഭീഷണിയാകുമെന്നും ഡോക്ടർമാർ മുന്നറിയിപ്പ് നൽകുന്നുണ്ട്.
Also Read: സിനിമയുടെ വിജയത്തിനായി തിയേറ്ററില്‍ ആടിന്റെ തലയറുത്ത് മൃഗബലി, തിരുപ്പതിയില്‍ 5 പേര്‍ അറസ്റ്റില്‍
#JUSTIN | கோமியம் (மாட்டு சிறுநீர்) குடித்தால் ஜுரம் சரியாகுமென அறிவியலுக்குப் புரம்பான கருத்தை பேசிய சென்னை ஐ.ஐ.டி இயக்குனர் காமகோடிக்கு கண்டனம் தெரிவித்து தமிழ்நாடு மாணவர் கழகம் அறிக்கை.
— Sun News (@sunnewstamil) January 18, 2025
தன் பேச்சுக்கான ஆதாரத்தை அவர் வெளியிட வேண்டும். தவறும் பட்சத்தில் தான் பேசியது தன்னுடைய… pic.twitter.com/V23Cire2Ql
ശാസ്ത്രത്തെ പ്രോത്സാഹിപ്പിക്കേണ്ട ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജിയുടെ ഡയറക്ടർ തന്നെ അശാസ്ത്രീയമായി സംസാരിച്ചതിൽ അപലപിക്കുന്നുവെന്നും ടിഎസ്എഫ് പ്രസ്താവനയിൽ പറഞ്ഞു. പറഞ്ഞത് സ്വന്തം അഭിപ്രായമാണെന്നും ശാസ്ത്രീയമായി തെറ്റാണെന്നും വി കാമകോടി പൊതുവേദിയിൽ ഖേദം പ്രകടിപ്പിക്കണമെന്നും ടിഎസ്എഫ് പ്രസ്താവനയിൽ ആവശ്യപ്പെട്ടു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
