കാസർകോഡ് കാഞ്ഞങ്ങാട് ഭവനരഹിത കുടുംബത്തിന് വീടൊരുക്കി നൽകി സി പി ഐ എം കാഞ്ഞങ്ങാട് ലോക്കൽ കമ്മറ്റി നിർമിച്ച വീടിൻ്റെ താക്കോൽ സംസ്ഥാന സെക്രട്ടറി എം വി ഗോവിന്ദൻ മാസ്റ്റർ കൈമാറി. ഒഴിഞ്ഞ വളപ്പ് കടപ്പുറത്തെ ദേവനും സുശീലക്കും മഴയും വെയിലും പേടിക്കാതെ ഇനി സ്നേഹ വീട്ടിൽ കഴിയാം. സിപിഐഎം കാഞ്ഞങ്ങാട് ലോക്കൽ കമ്മിറ്റിയുടെ നേതൃത്വത്തിലാണ് സ്നേഹവീടൊരുക്കി നൽകിയത്.
നിർധനകുടുംബത്തിൽപെട്ടവർക്ക് വീട് നിർമിച്ചുനൽകണമെന്ന പാർട്ടി തീരുമാനം ആവേശത്തോടെയാണ് പാർട്ടി പ്രവർത്തകരും അനുഭാവികളും ഏറ്റെടുക്കുന്നതെന്ന് എം വി ഗോവിന്ദൻ പറഞ്ഞു. ഏരിയാ സെക്രട്ടറി കെ രാജ്മോഹനൻ അധ്യക്ഷനായി. പത്തുലക്ഷം രൂപ ചിലവിട്ടാണ് വീടിന്റെ നിർമാണം പൂർത്തിയാക്കിയത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
