കാക്കയെ കാണുമ്പോൾ കല്ലെടുത്ത് എറിയുന്നവരാണ് നാം. ചിലർ ഒരു പടികൂടി കടന്ന് കവണ വെച്ച് എയ്യും. എന്നാൽ, കാക്കകൾ ഒന്നും മറക്കില്ലെന്ന് പഠനം. 17 വര്‍ഷം വരെ അവ ഓർമകൾ സൂക്ഷിക്കും.
കാക്കകള്‍ നമ്മള്‍ വിചാരിക്കുന്നതിലും വളരെ ബുദ്ധിശാലികളാണ്. പ്രത്യേകിച്ചും ഓര്‍മയുടെ കാര്യത്തിൽ. അതിലും കൗതുകകരമായ വസ്തുത, കാക്കകള്‍ ഈ അറിവ് തങ്ങളുടെ കൂട്ടത്തിലുള്ള മറ്റുള്ളവരുമായി ആശയവിനിമയം നടത്തുന്നു എന്നതാണ്. അപകടസാധ്യതകളെക്കുറിച്ച് പരസ്പരം മുന്നറിയിപ്പ് നല്‍കുന്നു. അവയുടെ സങ്കീര്‍ണമായ സാമൂഹിക സ്വഭാവത്തിലേക്കും ശ്രദ്ധേയമായ ഓര്‍മയിലേക്കും വെളിച്ചം വീശുന്ന ഗവേഷണം പുറത്തുവന്നതോടെയാണ് ഇക്കാര്യം വ്യക്തമായത്.
Read Also: കുട്ടികളുടെ വായനാശീലം റെക്കോര്‍ഡ് താഴ്ചയില്‍; ഗുരുതര പ്രതിസന്ധിയുടെ വക്കിലെന്ന് സര്‍വേ
2006-ല്‍, വാഷിങ്ടണ്‍ സര്‍വകലാശാലയിലെ പ്രൊഫ.ജോണ്‍ മാര്‍സ്ലഫ് ഭയപ്പെടുത്തുന്ന മുഖംമൂടി ധരിച്ച് ഏഴ് കാക്കകളെ പിടികൂടുകയും ഹ്രസ്വ കാലത്തേക്ക് പിടിച്ചുവച്ച് കാക്കയുടെ ഓര്‍മയെക്കുറിച്ച് പഠനം ആരംഭിക്കുകയും ചെയ്തു. വിട്ടയച്ചപ്പോൾ പ്രത്യേകം അടയാളങ്ങൾ ഇട്ടിരുന്നു. വര്‍ഷങ്ങളായി അദ്ദേഹവും സംഘവും ക്യാമ്പസിനു ചുറ്റും ഒരേ മുഖംമൂടി ധരിക്കും, ചിലപ്പോള്‍ കാക്കകള്‍ക്ക് ഭക്ഷണം കൊടുക്കും. കാലക്രമേണ, പ്രതികരണം വര്‍ധിച്ചു. ഒരു ദിവസം, അവര്‍ കടന്നുപോയ 53 കാക്കകളില്‍ 47 എണ്ണവും മുഖംമൂടി ധരിച്ച് മാര്‍സ്ലഫിന് നേരെ കരഞ്ഞ് ബഹളമുണ്ടാക്കി.
കാക്കകള്‍ മുഖങ്ങള്‍ ഓര്‍ക്കുക മാത്രമല്ല, പരസ്പരം ഭീഷണിപ്പെടുത്തുന്നതിനെക്കുറിച്ചുള്ള വിവരങ്ങള്‍ കൈമാറുകയും ചെയ്യുന്നുവെന്ന് ഇത് തെളിയിച്ചു. 2013 ആയപ്പോഴേക്കും ഈ കാക്കകളുടെ പ്രതികരണം പാരമ്യത്തിലായിരുന്നു. എന്നാൽ, പരീക്ഷണം തുടങ്ങി 17 വര്‍ഷങ്ങള്‍ക്ക് ശേഷം 2023 ആയപ്പോഴേക്കും കാക്കകളൊന്നും മുഖംമൂടിയോട് പ്രതികരിക്കാതെയായി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
