കസ്റ്റംസെന്ന് തെറ്റിദ്ധരിപ്പിക്കും; വിദേശത്ത് ജോലി ചെയ്യുന്നവരുടെ ബന്ധുക്കളെയും സുഹൃത്തുക്കളെയും കേന്ദ്രീകരിച്ച് തട്ടിപ്പ്

വിദേശത്തുള്ളവരുടെ നാട്ടിലെ ബന്ധുക്കളെയും സുഹൃത്തുക്കളെയും ഫോണിലൂടെ ബന്ധപ്പെട്ട തട്ടിപ്പ് നടത്തുന്നവർക്കെതിരെ ജാഗ്രതാ നിർദ്ദേശവുമായി പൊലീസ്. നിങ്ങൾക്കുള്ള കൊറിയർ കസ്റ്റംസ് പിടിച്ചെടുത്തിരുന്നു എന്നൊരു ഓട്ടോമാറ്റിക് റെക്കോർഡഡ് വോയിസ് മെസ്സേജ് മൊബൈലിൽ ലഭിക്കുന്നതിലാണ് തട്ടിപ്പിന്റെ ആദ്യപടി. കൂടുതൽ വിവരങ്ങൾക്കായി 9 അമർത്താൻ ആവശ്യപ്പെടുകയും, ബട്ടൺ അമർത്തിയാൽ ഉടൻ കോൾ തട്ടിപ്പുകാർക്ക് കണക്ട് ആവുകയും ചെയ്യും.

Also Read; വിചിത്രമായ വിധി; ഇനിമുതൽ ദൈവങ്ങളുടെ ചിത്രം അച്ചടിച്ച് തെരഞ്ഞെടുപ്പിന് ഇറങ്ങിയാലും കുഴപ്പില്ല എന്നാകും: എം സ്വരാജ്

നിങ്ങളുടെ പേരിൽ ഒരു കൊറിയർ ഉണ്ടെന്നും, അതിൽ പണവും ലഹരിവസ്തുക്കളുമുണ്ടെന്നും, അതിനു തീവ്രവാദ ബന്ധം ഉണ്ടെന്നുമുള്ള ഒരു അറിയിപ്പ് വരും. ഈ കോൾ കസ്റ്റൻസിനു കൈമാറുന്നുവെന്ന് പറഞ്ഞ് മറ്റൊരാൾക്ക് കൈമാറും. തീവ്രവാദ ബന്ധം ഉൾപ്പെടെ പറഞ്ഞ് വീണ്ടും ഭീഷണിയുയർത്തും.

Also Read; അമ്മയുടെ പിറന്നാളിന് തിരികെയെത്താമെന്ന വാക്ക് പാലിച്ചില്ല, ഒടുവില്‍ ആത്മഹത്യ; സയനൈഡിന്റെ രുചി ലോകത്തെ അറിയിച്ച 32കാരന്റെ കഥ

കസ്റ്റംസ് ഓഫീസറെന്ന് കാണിക്കുന്ന വ്യാജ ഐഡിയും, പരാതിയുമായി ബന്ധപ്പെട്ടുള്ള വ്യാജ രേഖകളും അയക്കും. വെബ്സൈറ്റിൽ പരിശോധിച്ചാൽ ഈ വിവരങ്ങൾ സത്യമെന്നും വ്യക്തമാകും. ഇതോടെ തട്ടിപ്പിനിരയാവുന്നവർ സ്വന്തം സമ്പാദ്യ വിവരങ്ങൾ വ്യാജ കസ്റ്റംസ് ഓഫീസർക്ക് കൈമാറും. സമ്പാദിച്ച തുക നിയമപരമാണെങ്കിൽ സ്വത്തിന്റെ 80% ഡിപ്പോസിറ്റ് ആയി നൽകണമെന്നും അക്കൗണ്ട് വിവരങ്ങൾ പരിശോധിച്ചശേഷം നിയമപരമാണെങ്കിൽ തിരിച്ചു നൽകും എന്നും പറഞ്ഞു വിശ്വസിപ്പിക്കും. ഇതാണ് തട്ടിപ്പിന്റെ രീതി.