ഉത്തർപ്രദേശിൽ ഗോതമ്പ് മോഷ്ടിച്ചെന്ന് ആരോപിച്ച് ദളിത് കുട്ടികളെ അതിക്രൂരമായി മർദിച്ചു. യുപിയിലെ ബഹ്‌റൈച്ച് ജില്ലയിലാണ്‌ സംഭവം നടന്നത്. അഞ്ച് കിലോ ഗോതമ്പ് മോഷ്ടിച്ചെന്നാരോപിച്ച് കുട്ടികളെ ക്രൂരമായി മർദിക്കുകയും, തല മുണ്ഡനം ചെയ്ത് മുഖത്ത് കരി തേച്ച് കൈത്തണ്ടയിൽ ‘കള്ളൻ’ എന്ന് എഴുതി കൈകൾ കൂട്ടി കെട്ടി ഗ്രാമത്തിനു ചുറ്റം നടത്തിക്കുകയും ചെയ്തു.
12-14 വയസുവരുന്ന മൂന്ന് ആൺകുട്ടികളാണ് സമാനതകളില്ലാത്ത രീതിയിലുള്ള പ്രാകൃതമായ ക്രൂരതക്കിരയായത്. കുട്ടികളുടെ കുടുംബാംഗങ്ങൾ പൊലീസിൽ പരാതി നൽകി. പ്രതികളായ നസിം ഖാൻ, കാസിം ഖാൻ, ഇനായത്, സാനു എന്നിവരാണ് ഈ ക്രൂരത കാട്ടിയത്. ഗ്രാമത്തലവനായ സാനു ഒളിവിലാണ് ബാക്കി മൂന്ന് പേരെയും പൊലീസ് അറസ്റ്റ് ചെയ്തു.
ഗ്രാമത്തിൽ കോഴി ഫാം നടത്തിയിരുന്ന നസീമും കാസിമുമാണ് കുട്ടികൾക്കെതിരെ ആരോപണം ഉന്നയിച്ചത്. കുട്ടികളെ ഉപദ്രവിക്കുന്ന ദൃശ്യങ്ങൾ പ്രതികൾ മൊബൈലിൽ പകർത്തുകയും ചെയ്തു. ഫാമിൽ ജോലിക്ക് പോകാത്തതിനാലാണ്‌ കുട്ടികളെ ഉപദ്രവിച്ചതെന്ന് കുടുംബാംഗങ്ങൾ പറഞ്ഞു. സംഭവത്തെത്തുടർന്ന്‌ ഗ്രാമത്തിൽ പൊലീസ് സേനയെ വിന്യസിപ്പിച്ചിട്ടുണ്ട്
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
