ലോക്സഭാ തെരഞ്ഞെടുപ്പിനോടനുബന്ധിച്ച് ആറ്റിങ്ങൽ മണ്ഡലത്തിൽ വീണ്ടും വോട്ടർമാർക്ക് പണം നൽകാൻ ശ്രമം. ഡിസിസി മെമ്പർ പ്രകീർത്താണ് വോട്ടർമാർക്ക് പണം നൽകാനെത്തിയത്. പ്രകീർത്തിനെ നഗരൂർ പോലീസ് ചോദ്യം ചെയ്യുകയാണ്. പ്രകീർത്ത്, ബാബു എന്നിവരാണ് പണം നൽകി സ്വാധീനിക്കാൻ എത്തിയത്. ആറ്റിങ്ങൽ നഗരൂരിൽ പാവൂർകോണത്താണ് സംഭവം. വോട്ടർ സ്ലിപ് നൽകുന്നതിനിടെയാണ് പണം നൽകിയത്. ഇവരുടെ കൈയിൽ നിന്ന് 6500 രൂപ പിടിച്ചെടുത്തു.
സംഭവത്തിൽ പൊലീസ് കേസെടുത്തിട്ടുണ്ട്. ഡിസിസി മെമ്പർ പ്രകീർത്ത്, ബാബു എന്നിവർക്കെതിരെയാണ് കേസ്. ഇരുവരിൽ നിന്നും പണം കണ്ടെത്തിയതായും പൊലീസ് അറിയിച്ചു. ആറ്റിങ്ങൽ മണ്ഡലത്തിൽ മുൻപും വോട്ടർമാരെ സ്വാധീനിക്കാൻ യുഡിഎഫ് ശ്രമങ്ങൾ നടത്തിയിരുന്നു. തയ്യൽ മെഷീൻ വിതരണശ്രമം നാട്ടുകാർ ഇടപെട്ട് തടയുകയായിരുന്നു. ഇതിനൊക്കെ പിന്നാലെയാണ് സ്ലിപ് കൊടുക്കാനെന്ന വ്യാജേന വോട്ടർമാർക്ക് പണം നൽകുന്നത് പിടിയിലായത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
