ഡെറാഡൂണിലുണ്ടായ വാഹനാപകടത്തിൽ ആറ് പേർക്ക് ദാരുണാന്ത്യം. അമിതവേഗതയിൽ എത്തിയ കാർ ട്രക്കുമായി കൂട്ടിയിടിച്ചാണ് അപകടമുണ്ടായത്. മൂന്ന് യുവതികൾ ഉൾപ്പെടെ ആറ് പേരാണ് അപകടത്തിൽ മരിച്ചത്. ഡെറാഡൂൺ സ്വദേശികളായ ഗുനീത് സിംഗ് ( 19), കാമാക്ഷി സിംഗൽ (20), നവ്യാ ഗോയൽ (23), റിഷബ് ജെയ്ൻ (24), അതുൽ അഗർവാൾ (24), ഹിമാചലിലെ ചമ്പ സ്വദേശിയായ ഖുണാൾ കുക്കുറേജ (23) എന്നിവരാണ് മരിച്ചത്. അപകട സ്ഥലത്ത് വച്ചുതന്നെ ആറുപേരും മരിച്ചു.
Also read:ബുള്‍ഡോസര്‍ രാജ്: ബിജെപി സർക്കാരുകൾക്ക് കനത്ത തിരിച്ചടി, രൂക്ഷ വിമര്‍ശനവുമായി സുപ്രീംകോടതി
കാറോടിച്ചിരുന്ന സിദ്ധേശ് അഗർവാൾ (25) എന്ന യുവാവ് പരിക്കേറ്റ് ചികിത്സയിലാണ്. യുവാവിന്റെ പരിക്ക് ഗുരുതരമാണ്. ഡെറാഡൂണിലെ ഒൻജിസി ചൗക്കിൽ വെച്ച് പുലർച്ചെ 1.30 ഓടെയായിരുന്നു അപകടം ഉണ്ടായത്. സ്വകാര്യ സർവകലാശാലയിലെ വിദ്യാർത്ഥികളാണ് മരിച്ചവരിൽ രണ്ട് പേർ. മറ്റുള്ളവർ ഡെറാഡൂണിലെ വ്യാപാര കുടുംബാംഗങ്ങളാണ്.
അപകടത്തിൽപ്പെട്ട കാർ 100 കിലോമീറ്ററിലധികം വേഗതയിൽ ആയിരുന്നുെവന്നാണ് സൂചന. രാത്രിയിലെ ഒരു പാർട്ടി കഴിഞ്ഞ് മാടങ്ങവേയായിരുന്നു അപകടം ഉണ്ടായത്. ഒരു ആഡംബരക്കാർ യുവാക്കളുടെ കാറിനെ അതിവേഗത്തിൽ ഓവർടേക്ക് ചെയ്തു. ആ കാറിനെ പിന്നിലാക്കുന്നതിനായി ഇവർ വേഗത കൂട്ടുകയായിരുന്നു. റോഡ് മുറിച്ച് കടക്കുകയായിരുന്ന ട്രക്കിന്റെ ഇടതുവശത്തേക്കാണ് കാർ ഇടിച്ചുകയറിയത്. ട്രക്ക് സാധാരണ വേഗതയിലായിരുന്നുവെന്ന് ദക്സാക്ഷികള്‍ പറയുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
