ദേവദൂതന്റെ റീ-റിലീസിനായി ആരാധകരെ പോലെ ഞാനും കാത്തിരിക്കുകയാണ്; സന്തോഷം പങ്കുവെച്ച് സംവിധായകൻ

ദേവദൂതൻ വീണ്ടും തീയേറ്ററുകളിൽ എത്തുന്നതിൽ സന്തോഷം പ്രകടിപ്പിച്ച് സംവിധായകൻ സിബി മലയിൽ. വരാനിരിക്കുന്നത് 4K റിലീസാണ്.

റിലീസിനൊരുങ്ങുന്ന മറ്റൊരു പുതിയ ചിത്രത്തിൻ്റെ പ്രചരണാർത്ഥം നടത്തിയ വാർത്താ സമ്മേളനത്തിൽ സംസാരിക്കുകയായിരുന്നു സിബി മലയിൽ.

റീ-റിലീസിൻ്റെ വിശദാംശങ്ങളെക്കുറിച്ച് തനിക്ക് കൂടുതൽ അറിയില്ല. സിനിമയുടെ നവീകരിച്ചതും മികച്ചതുമായ പതിപ്പ് ബിഗ് സ്‌ക്രീനിൽ എത്തും. സിനിമയുടെ ആരാധകരെപ്പോലെ കൂടുതൽ അപ്‌ഡേറ്റുകൾക്കായി കാത്തിരിക്കുകയാണ് സിബി മലയിൽ പറഞ്ഞു.

ALSO READ: വിജയ് ചിത്രത്തിന് റിലീസിനുമുന്നേ ലഭിച്ചത് വന്‍ തുക; കണക്കുകള്‍ പുറത്ത്

തീയേറ്ററുകളിലേക്ക് ജനക്കൂട്ടത്തെ ആകർഷിക്കാൻ സിനിമയ്ക്ക് കഴിയുമോ എന്ന മനസ്സിലാക്കുന്നത് വരെ വിപുലമായ റിലീസ് ആസൂത്രണം ചെയ്തിട്ടില്ലെന്ന് നിർമാതാവ് സിയാദ് കോക്കർ അതേ വാർത്താ സമ്മേളനത്തിൽ പറഞ്ഞു. സിനിമ അതിൻ്റെ സമയത്തേക്കാൾ വളരെ മുന്നിലായിരുന്നുവെന്നും ടെലിവിഷനിൽ സംപ്രേഷണം ചെയ്യുമ്പോഴെല്ലാം പ്രേക്ഷകർ അത് ആസ്വദിക്കാറുണ്ടെന്നും നിർമാതാവ് സിയാദ് കോക്കർ കൂട്ടിച്ചേർത്തു.

ALSO READ: ഈ രണ്ട് സിനിമയും തമ്മിൽ ബന്ധമെന്ത്? കാത്തിരുന്ന് കാണാം

മിസ്റ്ററി ത്രില്ലർ ആയ ദേവദൂതനിൽ മോഹൻലാൽ, ജയപ്രദ, ജനാർദനൻ, ജഗതി ശ്രീകുമാർ, വിജയലക്ഷ്മി, മുരളി, വിനീത് കുമാർ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. 2000-ൽ പുറത്തിറങ്ങിയ സിനിമയ്ക്ക് ബോക്‌സ് ഓഫീസിൽ സ്വാധീനം ചെലുത്താനായില്ലെങ്കിലും, കാലക്രമേണ കാഴ്ചക്കാരെ കീഴടക്കാൻ കഴിഞ്ഞിരുന്നു.

രഘുനാഥ് പലേരിയാണ് ചിത്രത്തിന് തിരക്കഥ ഒരുക്കിയിരിക്കുന്നത്. ഇന്നും പ്രേക്ഷകരിൽ നിന്ന് മികച്ച പ്രതികരണങ്ങളും പ്രശംസയും നേടുന്ന ഈ സിനിമയുടെ യഥാർത്ഥ സ്‌കോറും സൗണ്ട് ട്രാക്കും വിദ്യാസാഗർ ആണ് ഒരുക്കിയിരിക്കുന്നത്.