വളരെ പ്രാധാന്യമുള്ള ഒന്നാണ് ഹേമ കമ്മിറ്റി റിപ്പോർട്ടെന്ന് ജിയോ ബേബി. ഓരോ വെളിപ്പെടുത്തലുകളെയും അതിന്റേതായ പ്രാധാന്യത്തോടെ കാണണം. ഒന്നും തള്ളിക്കളയുന്നില്ല, വളരെ അനിവാര്യമായ റിപ്പോർട്ടാണിത്. ഹേമ കമ്മിറ്റി റിപ്പോർട്ടോടെയാണ് സ്ത്രീകൾക്ക് തുറന്നുപറയാൻ ധൈര്യം ലഭിച്ചത്. ഈ റിപ്പോർട്ടിനെ പോസിറ്റീവായി കാണുന്നുവെന്നും സംവിധായകൻ ജിയോ ബേബി പറഞ്ഞു.
ആരോപണം ഉന്നയിച്ചവർക്കൊപ്പമാണ് താൻ. സിനിമ മേഖലയിലെ തന്നെ ടേർണിങ് പോയിന്റാണ് ഹേമ കമ്മിറ്റി റിപ്പോർട്ട്. ഈ മാറ്റം കൊണ്ടുവന്നത് WCC , നമ്മുടെ പെണ്ണുങ്ങൾ ആണെന്നത് എന്നും ചരിത്രം ഓർത്തുവെയ്ക്കും. ഇത്തരം ആരോപണങ്ങളും സംഭവങ്ങളും സിനിമ മേഖലയെ തകർക്കുകയാണ്, നന്നാക്കുന്ന ചെയ്യുന്നത്, ജിയോ ബേബി പറഞ്ഞു.
ഇപ്പോൾ വെളിപ്പെടുത്തൽ നടത്തുന്നവരുടെ കൂടെ നിൽക്കണമെന്നാണ് തോന്നുന്നത്. എന്തുകൊണ്ട് വെളിപ്പെടുത്തൽ വൈകി എന്ന ചോദ്യം പ്രസക്തമല്ല. അതിനുള്ള സാമൂഹിക സാഹചര്യമുണ്ടായത് ഇപ്പോഴാണ്. ആരോപണങ്ങൾ നേരിടുന്നവർക്കും അത് തെളിയിക്കാൻ സംവിധാനങ്ങൾ ഉണ്ട്. ഇനിയും പുതിയ തലമുറക്ക് വരാനും, ജോലി ചെയ്യാനുള്ള സ്ഥലമാണിത്. അത് നന്നാവണമെന്നാണ് ആഗ്രഹം, സംവിധായകൻ ജിയോ ബേബി പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
