ഏറ്റവും പ്രായം കൂടിയ കറൻസികൾ ഏതെല്ലാമാണെന്ന് അറിയാമോ?

പണം എന്നും നിത്യജീവിതത്തിൽ ഉപയോ​ഗിക്കുന്ന വസ്തുവാണ്. വിനിമയങ്ങൾ നടത്തുന്നതിന് ഉപാധിയാണ് കറൻസികൾ. ലോകത്ത് വിവിധതരം കറൻസികൾ നിലവിലുണ്ട്. നൂറ്റാണ്ടുകളായി നിലവിലുള്ള കറൻസികളുമുണ്ട് ഇത്തരത്തിൽ ലോകത്തെ ഏറ്റവും പ്രായം ചെന്ന കറൻസികൾ ഏതെല്ലാമാണെന്ന് പരിചയപ്പെടാം.

കനേഡിയൻ ഡോളർ
ലോകത്ത് ഉപയോ​ഗിക്കപ്പെടുന്നതിൽ ഏറ്റവും പഴക്കം ചെന്ന കറൻസികളിൽ ഒന്നാണ് കനേഡിയൻ ഡോളർ. 1858 ലാണ് കനോഡിയൻ ഡോളർ നിലവിൽ വരുന്നത്. കനേഡിയൻ പൗണ്ടിന് പകരക്കാരനായാണ് കനേഡിയൻ ഡോളർ അവതരിപ്പിക്കപ്പെട്ടത്.

യെൻ
ജപ്പാന്റെ ഔദ്യോഗിക കറൻസിയാണ് യെൻ. 1871-ലാണ് ജപ്പാൻ ഔദ്യോഗിക കറൻസിയായി യെൻ അവതരിപ്പിക്കുന്നത്. എന്നാൽ 1869 ലാണ് ഇത് ആദ്യമായി അച്ചടിച്ചത്. വിദേശ വിനിമയ വിപണിയിൽ ഏറ്റവും കൂടുതൽ ട്രേഡ് ചെയ്യപ്പെടുന്ന മൂന്നാമത്തെ കറൻസിയും യെൻ ആണ്.

Also Read: മിഡിൽ ഈസ്റ്റിലെ ഈ വർഷത്തെ ഏറ്റവും വലിയ ഐപിഒ റെക്കോർഡ് ലുലുവിന്; സമാഹരിച്ചത് 3 ലക്ഷം കോടിയിലധികം രൂപ

ഫ്രാങ്ക്
ഹെൽവെറ്റിക് റിപ്പബ്ലിക്കിൻ്റെ കറൻസിയുടെ യൂണിറ്റായിരുന്നു ഫ്രാങ്ക്. 1850 മെയ് 7-ന് ഫെഡറൽ അസംബ്ലി ഫ്രാങ്കിനെ സ്വിറ്റ്സർലൻഡിൻ്റെ കറൻസി യൂണിറ്റായി അവതരിപ്പിച്ചു. ചരിത്രപരമായി സുരക്ഷിതമായ കറൻസിയെന്നാണ് സ്വിസ് ഫ്രാങ്ക് അറിയപ്പെടുന്നത്.

പെസോ
ഡൊമിനിക്കൻ റിപ്പബ്ലിക്കിന്റെ കറൻസിയാണ് പെസോ. 1844-ലാണ് ഡൊമിനിക്കൻ റിപ്പബ്ലിക് ഹെയ്തിയിൽ നിന്ന് സ്വതന്ത്രമാകുന്നത്. അതോടെ ഹെയ്തിയൻ ഗോർഡിന് പകരമായി, ഡൊമിനിക്കൻ റിപ്പബ്ലിക് അവതരിപ്പിച്ച കറൻസിയാണ് പെസോ.

ഹെയ്തിയൻ ഗോർഡ്
ഹെയ്തിയൻ ഗോർഡ് പുറത്തിറക്കിയത് 1813-ലാണ്. ഫ്രഞ്ച് കൊളോണിയൽ കറൻസിയായ ഹെയ്തിയൻ ലിവറിനു പകരമായാണ് ഹെയ്തിയൻ ഗോർഡ് പുറത്തിറക്കിയത്. വെള്ളി നാണയങ്ങളായിരുന്നു ആദ്യം ഹെയ്തിയൻ ഗോർഡ് പിന്നീട് വെങ്കല നാണയങ്ങൾ അവതരിപ്പിക്കപ്പെട്ടു.

Also Read: 3 രൂപയുടെ പേനയിൽ തുടങ്ങി 3 കോടിയുടെ ലംബോർഗിനി വരെ; 300 കോടിയുടെ ബിസിനസ് സാമ്രാജ്യം കെട്ടിപ്പൊക്കിയ ‘ബിഗ് ബോയ് ടോയ്‌സി’ന്‍റെ കഥ

ഫോക്ക്‌ലാൻഡ്‌സ് പൗണ്ട്
ഫോക്ക്‌ലാൻഡ് ദ്വീപുകൾ എന്നത് ബ്രിട്ടീഷ് ഓവർസീസ് ടെറിട്ടറിയാണ്. ബ്രിട്ടീഷുകാർ ഫോക്ക്‌ലാൻഡ്‌സ് ദ്വീപുകളിൽ പരമാധികാരം പുനഃസ്ഥാപിച്ചതിനെ തുടർന്നാണ് ഫോക്ക്‌ലാൻഡ്‌സ് പൗണ്ട് ഇറക്കിയത്. 1833 ലാണ് ഈ കറൻസി ആദ്യം പുറത്തിറങ്ങുന്നത്.

അമേരിക്കൻ ഡോളർ
കോണ്ടിനെൻ്റൽ കോൺഗ്രസ് അമേരിക്കൻ വിപ്ലവ യുദ്ധത്തെ പിന്തുണയ്ക്കുന്നതിനായി കോണ്ടിനെൻ്റൽ കറൻസി അല്ലെങ്കിൽ കോണ്ടിനെൻ്റൽസ് എന്നറിയപ്പെടുന്ന പേപ്പർ മണി ഇഷ്യൂ ചെയ്തു ഇത് 1775 ലാണ്. പിന്നീട് പത്തു വർഷം കഴിഞ്ഞപ്പോോൾ 1785 ൽ “$” അടയാളം പുതിയ കറൻസിയായ ഡോളറിനെ നിർവചിക്കുന്നതിനായി കോണ്ടിനെൻ്റൽ കോൺഗ്രസ് സ്വീകരിച്ചു.