എറണാകുളം-ബെംഗളൂരു വന്ദേ ഭാരത് സ്‌പെഷ്യൽ ട്രെയിൻ സർവീസ് താൽക്കാലികമായി റദ്ദാക്കിയ റെയിൽവേയുടെ തീരുമാനത്തിനെതിരെ കേന്ദ്ര റെയിൽവേ മന്ത്രി അശ്വിനി വൈഷ്ണവിന് കത്തയച്ച് ഡോ. ജോൺ ബ്രിട്ടാസ് എം പി. എറണാകുളം-ബെംഗളൂരു റൂട്ടിലെ തിരക്ക് കൂടി ചൂണ്ടിക്കാണിച്ച് സർവീസ് തുടരണമെന്നും കത്തിൽ പറഞ്ഞു. സർവീസ് താൽക്കാലികമായി നിർത്തിവയ്ക്കുന്നതിനെക്കുറിച്ചുള്ള ആശങ്കകളും കത്തിലൂടെ എം പി ചൂണ്ടിക്കാട്ടി.
ALSO READ: ശിവാജി മഹാരാജ് പ്രതിമ തകർന്ന സംഭവം; ജനരോഷം രൂക്ഷമായതോടെ ജനങ്ങളോട് മാപ്പ് പറഞ്ഞ് അജിത് പവാർ
ഈ റൂട്ടിലെ സ്ഥിരം യാത്രികരുടെ ബുദ്ധിമുട്ടുകളും സ്വകാര്യ ഗതാഗത മേഖലയിലെ ലോബികളുടെ ഇടപെടലുകളുടെ സാധ്യതകളും പരിശോധിച്ച് വിഷയത്തിൽ ഇടപെടണമെന്ന് എം പി കത്തിൽ വ്യക്തമാക്കി. വളരെ വിജയകരമായുള്ള ഈ സർവീസ് താൽക്കാലികമായി നിർത്തിവച്ചിരിക്കുമ്പോൾ, മംഗളൂരു-ഗോവ റൂട്ട് പോലെയുള്ള അധികം തിരക്കില്ലാത്ത മറ്റ് വന്ദേ ഭാരത് സർവീസുകൾ പ്രവർത്തിക്കുന്നത് തുടരുന്നതും അദ്ദേഹം ചൂണ്ടിക്കാണിച്ചു. ബെംഗളൂരുവുമായുള്ള തിരുവനന്തപുരത്തിന്റെ കണക്ഷൻ വർദ്ധിപ്പിക്കുന്നതിനും യാത്ര ദുരിതം ഒഴിവാക്കാൻ ബെംഗളൂരു-തിരുവനന്തപുരം സർവീസ് ആയി നീട്ടണമെന്നും എം പി കത്തിൽ ആവശ്യപ്പെട്ടു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
