സംഘിയുടെ ചിന്തയിൽ ശുചീകരണമാണ് ഏറ്റവും മോശവും അപമാനകരവുമായ ജോലി, എംപി ആയാലും ഇല്ലെങ്കിലും ഞാൻ കേരളത്തിന്റെ ശുചിത്വ പ്രസ്ഥാനത്തിൽ പ്രവർത്തകനായി ഉണ്ടാകും: ഡോ. തോമസ് ഐസക്

തന്റെ പഴയൊരു പടം എക്‌സിൽ ടാഗ് ചെയ്ത് ‘After June 4th’ എന്ന ക്യാപ്ഷനോടു കൂടി ഒരു സംഘി ടാഗ് ചെയ്ത സംഭവം സോഷ്യൽ മീഡിയയിൽ കുറിച്ച് ഡോ. തോമസ് ഐസക്. തോമസ് ഐസക് ശുചീകരണം നടത്തുന്ന ചിത്രമാണിത്. മനോരമ സർവ്വേയെ തുടർന്ന് സംഘികൾ അർമാദത്തിലാണ് എന്നും ജൂൺ 4-ാം തീയതി കഴിഞ്ഞാൽ തന്റെ പണി ഇതായിരിക്കുമെന്നാണ് സംഘിയുടെ ട്വീറ്റ് എന്നും സംഘിയുടെ ചിന്തയിൽ ശുചീകരണമാണ് ഏറ്റവും മോശവും അപമാനകരവുമായ ജോലി എന്നും തോമസ് ഐസക് വിമർശിച്ചു. ഇനി എംപി ആയാലും ഇല്ലെങ്കിലും ഞാൻ കേരളത്തിന്റെ ശുചിത്വ പ്രസ്ഥാനത്തിൽ പ്രവർത്തകനായി ഉണ്ടാകും എന്നാണ് എക്‌സിൽ ഇതിനു അദ്ദേഹം നൽകിയ മറുപടി

ALSO READ: ‘എക്‌സിറ്റ് പോള്‍ സര്‍വേയല്ല എക്‌സാറ്റ് പോള്‍; കേരളത്തില്‍ എല്‍ഡിഎഫ് വന്‍ വിജയം നേടും’: എ വിജയരാഘവന്‍
കലവൂർ സ്കൂളിൽ സ്കൂൾ പരിസരവുമെല്ലാം വൃത്തിയാക്കിയശേഷമുള്ള ശുചിത്വദിനാചരണ ചടങ്ങിനു പോയതാണ്. അവിടെച്ചെന്ന ഞാൻ ആദ്യം പറഞ്ഞത് കുട്ടികളുടെ ടോയിലറ്റ് കാണണമെന്നാണ്. ക്ലാസ് മുറികളും സ്കൂൾ പരിസരവുമെല്ലാം പരിപൂർണ്ണമായി വൃത്തിയാക്കിയിട്ടുണ്ട്. പക്ഷേ, ടോയിലറ്റ് അഴുക്കുപിടിച്ച് കിടക്കുകയായിരുന്നു. മൂലയ്ക്കിരുന്ന ചൂലെടുത്ത് ഞാൻ വൃത്തിയാക്കാൻ ആരംഭിച്ചു. കുറച്ചുകഴിഞ്ഞപ്പോൾ ചില അധ്യാപകരും രക്ഷാകർത്താക്കളും കൂടെച്ചേർന്നു. തുടർന്ന് ക്ലീനിംഗ് ഉപകരണങ്ങളും ലോഷനുമെല്ലാം എത്തി. എല്ലാവരുംകൂടി ടോയിലറ്റ് പരിപൂർണ്ണമായി ശുചീകരിച്ചശേഷമാണ് യോഗം ആരംഭിച്ചത് എന്നും അദ്ദേഹം പറഞ്ഞു. സംഘിക്ക് ഇതിനെക്കുറിച്ചൊക്കെ എന്ത് അറിയാം? എന്നും അദ്ദേഹം ചോദിച്ചു.

ALSO READ: മെക്സിക്കോയിൽ ആദ്യ വനിതാ പ്രസിഡന്റ് തെരഞ്ഞെടുക്കപ്പെട്ടു; തെരഞ്ഞെടുക്കപ്പെട്ടത് ക്ലോഡിയ ഷെയിൻബാം

ഡോ. തോമസ് ഐസക്കിന്റെ ഫേസ്ബുക് പോസ്റ്റ്