15 ലക്ഷം രൂപ വിലവരുന്ന എംഡിഎംഎയുമായി മൊത്തവില്‍പ്പനക്കാരനെയും സംഘത്തെയും ചേവായൂര്‍ പൊലീസ് അറസ്റ്റ് ചെയ്തു. മലപ്പുറം പുളിക്കല്‍ കൊട്ടപ്പുറം ആന്തിയൂര്‍കുന്ന് കാര്യപ്പറമ്പത്ത് ശിഹാബുദ്ധീനെ(45)നെയാണ് പിടികൂടിയത്. കാറില്‍ സൂക്ഷിച്ച 89 ഗ്രാം എംഡിഎംഎക്കൊപ്പം വെള്ളിയാഴ്ച പുലര്‍ച്ചെയാണ് ശിഹാബുദ്ധീനെ വാഹനപരിശോധനക്കിടെയാണ് പൊലീസ് പിടികൂടിയത്.
ALSO READ: ‘ആഹ് ഓകെ’,മോഹന്‍ലാലിന്റെ ചിത്രം പകര്‍ത്തി ഇസഹാഖ്
ശിഹാബുദ്ധീനെ കൂടുതൽ ചോദ്യം ചെയ്തതിൽ നിന്ന് ലഭിച്ച വിവരമനുസരിച്ച് ഇയാളുടെ വെള്ളിമാട്കുന്നിലെ ഫ്‌ളാറ്റില്‍ നിന്നും 201 ഗ്രാം എംഡിഎംഎയും 2.25 ലക്ഷം രൂപയും കണ്ടെടുത്തു. ഏകദേശം 6 മാസക്കാലമായി ഇയാൾ കുടുംബസമേതം ഈ ഫ്‌ളാറ്റില്‍ താമസിച്ചുവരികയായിരുന്നു. ഇയാൾക്ക് വിദേശത്തായിരുന്നു ജോലി. എന്നാൽ ഒരു വര്‍ഷമായി നാട്ടില്‍ എംഡിഎംഎ മൊത്ത വില്‍പ്പന നടത്തുകയായിരുന്നുവെന്നും സിറ്റി പൊലീസ് കമ്മീഷണര്‍ രാജ്പാല്‍ മീണ പറഞ്ഞു.
ALSO READ: അലാസ്‌കയില്‍ ഭൂചലനം;സുനാമി മുന്നറിയിപ്പ് നൽകി
ലഹരിമരുന്ന് വിതരണം ചെയ്യുന്ന സംഘത്തിന് ഇയാൾ ലഹരിമരുന്നുകൾ എത്തിച്ചു കൊടുക്കാറുണ്ട്. എന്നാൽ ശിഹാബുദ്ധീന്‍ ലഹരിമരുന്ന് ഉപയോഗിക്കാത്ത ആളാണെന്നും പൊലീസ് പറഞ്ഞു. ബെംഗളൂരുവില്‍ നിന്നാണ് ശിഹാബുദ്ധീന്‍ എംഡിഎംഎ എത്തിച്ചത്. ചേവായൂര്‍ എസ് ഐ സജി, ലിവേഷ്, രാജു എന്നിവരടങ്ങിയ സംഘമാണ് പ്രതിയെ പിടികൂടിയത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
