ദുബായി വിദ്യാഭ്യാസനയം ഇ33; 100 പുതിയ സ്വകാര്യ സ്കൂളുകൾ തുറക്കും

2033 ആകുമ്പോഴേക്കും ദുബായിയിൽ 100 പുതിയ സ്വകാര്യ സ്കൂളുകൾ തുറക്കുമെന്ന് വി​ജ്ഞാ​ന, മാ​ന​വ​വി​ഭ​വ​ശേ​ഷി വ​കു​പ്പ്. അതേസമയം ഈ വർഷം എമിറേറ്റിലെ സ്വകാര്യ സ്കൂളുകളിലെ വിദ്യാർഥികളുടെ എണ്ണം വർധിച്ചതായും അധികൃതർ. അ​ധ്യാ​പ​ക​രു​ടെ എ​ണ്ണ​ത്തി​ലും വർധനവുണ്ടായിട്ടുണ്ട്.

ദുബായിയുടെ വിദ്യാഭ്യാസനയം ഇ33ന്റെ ഭാഗമായാണ് 2033 എത്തുമ്പോഴേക്കും 100 പുതിയ സ്വകാര്യ സ്കൂളുകൾ തുറക്കുന്നത്. പു​തി​യ അ​ധ്യ​യ​ന വ​ർ​ഷ​ത്തി​ൽ എ​മി​റേ​റ്റി​ൽ 10 പു​തി​യ സ്‌​കൂ​ളു​ക​ൾ തു​റ​ന്നി​ട്ടു​ണ്ട്.

Also Read: ദുബായ് മാരത്തണ്‍; കൂടുതല്‍ സമയം പ്രവര്‍ത്തിക്കാന്‍ മെട്രോ

ദുബായിലെ സ്വ​കാ​ര്യ സ്കൂ​ളു​ക​ളി​ലെ വി​ദ്യാ​ർ​ഥി പ്ര​വേ​ശ​നം ഈ ​വ​ർ​ഷം ആ​റു ശ​ത​മാ​നം വ​ർ​ധി​ച്ച​താ​യി വി​ജ്ഞാ​ന, മാ​ന​വ​വി​ഭ​വ​ശേ​ഷി വ​കു​പ്പ്​ അ​റി​യി​ച്ചു. 2024 -25 അ​ധ്യ​യ​ന വ​ർ​ഷ​ത്തി​ൽ 227 സ്വ​കാ​ര്യ സ്‌​കൂ​ളു​ക​ളി​ലാ​യി 3,87,441 കു​ട്ടി​ക​ളാ​ണ്​ പ്ര​വേ​ശ​നം നേ​ടി​യ​ത്. 2023ൽ ഇത് 3,65,000 ​വി​ദ്യാ​ർ​ഥി​ക​ളാ​യി​രു​ന്നു.

എ​മി​റേ​റ്റി​ലെ ജ​ന​സം​ഖ്യ വ​ർ​ധി​ക്കു​ന്ന​തി​ന​നു​സ​രി​ച്ച്​ വി​ദ്യാ​ർ​ഥി​ക​ളു​ടെ എ​ണ്ണ​വും വ​ർ​ധി​ക്കു​ന്ന​താ​യാ​ണ്​ ക​ണ​ക്കി​ൽ വ്യ​ക്ത​മാ​കു​ന്ന​ത്.​ എമിറേ​റ്റി​ലെ സ്കൂ​ളു​ക​ളി​ൽ 27,284 അ​ധ്യാ​പ​ക​ർ ജോ​ലി ചെ​യ്യു​ന്നു​ണ്ട്. ക​ഴി​ഞ്ഞ വ​ർ​ഷ​ത്തേ​ക്കാ​ൾ ഒ​മ്പ​തു ശ​ത​മാ​നം വ​ർ​ധ​ന​യാ​ണ്​ അ​ധ്യാ​പ​ക​രു​ടെ എ​ണ്ണ​ത്തി​ലു​ണ്ടാ​യി​രി​ക്കു​ന്ന​ത്.

Also Read: വ്യക്തിഗത ഡ്രോൺ ഉപയോഗത്തിനുള്ള വിലക്ക് ഭാഗികമായി എടുത്തുമാറ്റി യുഎഇ; ദുബായിൽ വിലക്ക് തുടരും

ദുബായിലെ സ്വ​കാ​ര്യ സ്കൂ​ളു​ക​ൾ 17 വ്യ​ത്യ​സ്ത പാ​ഠ്യ​പ​ദ്ധ​തി​ക​ളി​ലാ​ണ്​ പ്ര​വ​ർ​ത്തി​ക്കു​ന്ന​ത്. യു.​കെ പാ​ഠ്യ​പ​ദ്ധ​തി​യാ​ണ്​ ഏ​റ്റ​വും കൂ​ടു​ത​ൽ പേ​ർ തെ​ര​ഞ്ഞെ​ടു​ക്കു​ന്ന​ത്. 37 ശ​ത​മാ​നം വി​ദ്യാ​ർ​ഥി​ക​ൾ യു.​കെ സി​ല​ബ​സി​ൽ പ​ഠി​ക്കു​മ്പോ​ൾ രണ്ടാമതുള്ള ഇ​ന്ത്യ​ൻ പാ​ഠ്യ​പ​ദ്ധ​തി​യി​ൽ 26 ശ​ത​മാ​നം പേ​ർ പ​ഠി​ക്കു​ന്നു​ണ്ട്.