ഒരു ലക്ഷം കയ്യിലുണ്ടോ? ഈ ചായ കുടിക്കാൻ പോയാലോ…

ചായകുടി നമ്മുടെ ജീവിതത്തിന്‍റെ അവിഭാജ്യ ഘടകമാണ്. ഏറ്റവും ചെലവ് കുറഞ്ഞ രീതിയിൽ വൈകുന്നേരം പ്രിയപ്പെട്ടവർക്കൊപ്പം ആസ്വദിക്കാൻ ഇതിലും മികച്ച വഴിയില്ല. എന്നാൽ ഇനി പരിചയപ്പെടുത്താൻ പോകുന്ന ചായ, പോക്കറ്റിൽ നിന്നെടുത്തു നീട്ടുന്ന പത്ത് രൂപയിൽ കിട്ടുന്ന ഐറ്റമല്ല. ഈ ചായയുടെ വില ഒരു ലക്ഷം രൂപയാണ്!

എന്നാലും ചായക്ക് ഇത്രയും വില വരാൻ എന്താണ് കാരണം എന്നായിരിക്കും പലരും ചിന്തിക്കുന്നുണ്ടാവുക. പഞ്ചസാരയും പാലുമൊക്കെ സ്പെഷ്യലായിരിക്കും എന്നൊക്കെയാണ് കരുതിയെങ്കിൽ തെറ്റി. ഇത് പത്തരമാറ്റ് സ്വർണം ചേർത്ത് തയാറാക്കിയ ചായയാണ്.

also read; പരമ്പരാഗത രുചിയിൽ ഉണ്ടാക്കാം അച്ചപ്പം എളുപ്പത്തിൽ

ദുബായിലുള്ള ഇന്ത്യൻ കഫേയായ ബോഹോ കഫേയിലാണ് ഇത്തരത്തിൽ ഒരു ലക്ഷം രൂപയുടെ ചായ വിൽക്കുന്നത്. ഇന്ത്യൻ വംശജയായ സുചേത ശർമ്മയുടെ ഉടമസ്ഥതയിലുള്ള കഫേയാണ് ബോഹോ കഫേ. പല തരത്തിലുള്ള ​ഗുണങ്ങൾ കൊണ്ട് നിറഞ്ഞ ഗോൾഡ് ടീയാണ് ഇവിടുത്തെ ആഡംബര ചായ. ദുബായിലെ ഡിഐഎഫ്‌സിയുടെ എമിറേറ്റ്‌സ് ഫിനാൻഷ്യൽ ടവറിൽ സ്ഥിതി ചെയ്യുന്ന ബോഹോ കഫേയിൽ ഒരു കപ്പ് ഗോൾഡ് ടീ കുടിക്കണമെങ്കിൽ കൈയിൽ 5000 ദിർഹം വേണം.

also read; കൂർക്ക കൊണ്ട് ഒരു പക്കോട ആയാലോ? ഈസി റെസിപി ഇതാ

ഇവിടത്തെ ഏകദേശം 1.14 ലക്ഷം രൂപയോളം വരുമിത്. 24 കാരറ്റ് സ്വർണ്ണം പൊടിച്ച് ചേർത്താണ് ചായ ഉണ്ടാക്കുന്നത്. ഗോൾഡ് ടീ മാത്രമല്ല, ഗോൾഡ് വാട്ടർ, ഗോൾഡ് ക്രോയിസൻ്റ്സ്, ഗോൾഡ് ബർ​ഗർ, ഗോൾഡ് ഐസ് ക്രീം എന്നിവയും കഴിക്കാനുള്ള അവസരം അവിടെയുണ്ട്. മികച്ച പ്രതികരണങ്ങളാണ് ഗോൾഡ് ടീക്ക് ലഭിക്കുന്നതെന്നും നിരവധി ആവശ്യക്കാരാണ് ഗോൾഡ് ടീക്ക് ഉള്ളതെന്നും കഫേ ഉടമ പ്രതികരിച്ചു.