അനുവദനീയമായതില്‍ അധികം ശബ്ദവുമായി നിരത്തിലോടിയ വാഹനങ്ങള്‍ക്കെതിരെ ശക്തമായ നടപടിയുമായി ദുബായ് പൊലീസ്. ദുബായ് അല്‍ ഖവാനീജ് ഏരിയയില്‍ നിന്ന് അനധികൃത വാഹന പരിഷ്‌കരണങ്ങള്‍ കാരണം വലിയ ശബ്ദത്തിനും ശല്യത്തിനും കാരണമായ 23 വാഹനങ്ങള്‍ 24 മണിക്കൂറിനുള്ളില്‍ പൊലീസ് പിടിച്ചെടുത്തു. നിയമലംഘകര്‍ക്കെതിരെ പിഴ ചുമത്തിയിട്ടുണ്ടെന്നും പിടിച്ചെടുത്ത വാഹനം വിട്ടുകിട്ടുന്നതിനുള്ള പിഴ 10,000 ദിര്‍ഹം വരെയാകുമെന്നും ദുബായ് പൊലീസിലെ ജനറല്‍ ഡിപാര്‍ട്ട്മെന്റ് ഓഫ് ട്രാഫിക് ഡയറക്ടര്‍ മേജര്‍ ജനറല്‍ സെയ്ഫ് മുഹൈര്‍ അല്‍ മസ്റൂയി വ്യക്തമാക്കി.
ഇത്തരത്തില്‍ വാഹനങ്ങളില്‍ മോടിപിടിപ്പിക്കലുകള്‍ നടത്തുന്നത് മറ്റുള്ളവരുടെ സുഖകരമായ യാത്രകള്‍ക്ക് വലിയ തടസ്സമാണുണ്ടാക്കുന്നതെന്ന് പൊലീസ് അറിയിച്ചു. കുട്ടികള്‍ക്കും മുതിര്‍ന്നവര്‍ക്കും ഇത് വലിയ അസ്വസ്ഥതയുണ്ടാക്കും.
സൈലന്‍സറുകളിലും എന്‍ജിനിലും മാറ്റംവരുത്തിയാണ് ഇത്തരത്തില്‍ അമിതശബ്ദമുണ്ടാക്കുന്നത്. ഇത്തരത്തിലുള്ള വാഹനങ്ങള്‍ ശ്രദ്ധയില്‍പ്പെട്ടാല്‍ ഉടന്‍തന്നെ കണ്‍ട്രോള്‍ സെന്ററില്‍ 901 എന്ന നമ്പറില്‍ വിളിച്ച് വിവരമറിയിക്കണമെന്ന് പൊലീസ് അറിയിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
