താനൊരു സൂര്യ ആരാധകൻ ആണെന്ന് വെളിപ്പെടുത്തി ദുൽഖർ സൽമാൻ. ആക്ടറാകുന്നതിന് മുൻപ് തന്നെ തനിക്ക് സൂര്യയെ വലിയ ഇഷ്ടമായിരുന്നെന്ന് ദുൽഖർ പറഞ്ഞു. അദ്ദേഹത്തിന് വേണമെങ്കില്‍ സ്റ്റാര്‍ഡത്തിന് പിന്നാലെ പോകാമായിരുന്നുവെന്നും, എന്നാല്‍ അദ്ദേഹം നല്ല കഥകളാണ് തെരഞ്ഞെടുത്തതെന്നും പ്രമുഖ യൂട്യൂബ് ചാനലിന് നൽകിയ അഭിമുഖത്തിൽ ദുല്‍ഖര്‍ പറഞ്ഞു.
ദുൽഖർ പറഞ്ഞത്
ആക്ടറാകുന്നതിന് മുൻപ് തന്നെ ഞാന്‍ സൂര്യ സാറിന്റെ ആരാധകനാണ്. സൂര്യ സാറിന് വേണമെങ്കില്‍ സൂപ്പര്‍ സ്റ്റാര്‍ഡത്തിന് പിന്നാലെ മാത്രം പോകാമായിരുന്നു. എന്നാല്‍ നല്ല കഥകള്‍ അദ്ദേഹം തെരഞ്ഞെടുത്തു. അദ്ദേഹം ചെയ്തത് എനിക്ക് പ്രോചദനമായിട്ടുണ്ട്. മനുഷ്യനെന്ന നിലയിലും വ്യക്തി എന്ന നിലയിലും അദ്ദേഹത്തെ ഒരുപാട് ഇഷ്ടമാണ്. സംവിധായകന്‍ സിദ്ദീഖ് സാറിന്റെ വീട്ടില്‍ പോകാന്‍ സൂര്യ കേരളത്തില്‍ വന്നപ്പോള്‍ വേണ്ട സൗകര്യങ്ങള്‍ എല്ലാം തന്നെ ഞാൻ ചെയ്തുകൊടുത്തിരുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
