കേന്ദ്രസർക്കാർ നയങ്ങൾക്കെതിരെ പാലക്കാട് മനുഷ്യച്ചങ്ങല; ഒരു ലക്ഷം പേരെ അണിനിരത്താൻ ഡിവൈഎഫ്ഐ

ഡിവൈഎഫ്ഐ മനുഷ്യച്ചങ്ങലയിൽ പാലക്കാട് ജില്ലയിൽ ഒരു ലക്ഷം യുവജനങ്ങളെ അണിനിരത്തും. ജില്ലയിലെ പ്രചരണ പ്രവർത്തനങ്ങൾ ഏകോപിപ്പിക്കുന്നതിനായി 501 അംഗ സംഘാടക സമിതി രൂപീകരിച്ചു. ജില്ലയിലെ എല്ലാ യൂണിറ്റുകളിൽ നിന്നും യുവതീ യുവാക്കളെ പങ്കെടുപ്പിക്കാനാണ് ഡിവൈഎഫ്ഐ ജില്ലാ കമ്മിറ്റിയുടെ തീരുമാനം.

Also Read: മന്ത്രി കെ രാധാകൃഷ്ണനെതിരെ ജാതീയ അധിക്ഷേപം; കേസെടുത്ത് പൊലീസ്

റെയിൽവേ യാത്രാ ദുരിതത്തിനും, കേന്ദ്ര സർക്കാറിന്റെ നിയമന നിരോധനത്തിനും കേരളത്തോടുള്ള സാമ്പത്തിക ഉപരോധത്തിനുമെതിരെ, ഇനിയും സഹിക്കണോ ഈ കേന്ദ്ര അവഗണന എന്ന ചോദ്യമുയർത്തിയാണ് ഡിവൈഎഫ്ഐ സംസ്ഥാന വ്യാപകമായി ജനുവരി 20-ന് മനുഷ്യച്ചങ്ങല സംഘടിപ്പിക്കുന്നത്. മനുഷ്യ ചങ്ങലയിൽ പാലക്കാട് ജില്ലയിൽ നിന്നും ഒരു ലക്ഷം യുവതി യുവാക്കളെ അണിനിരത്തുവനാണ് ഡിവൈഎഫ്ഐ ജില്ലാ കമ്മിറ്റിയുടെ തീരുമാനം. ഇതിന്റെ പ്രചാരണ – സംഘാടന പ്രവർത്തനങ്ങളുടെ ഭാഗമായി ജില്ലയിൽ സംഘാടക സമിതി രൂപീകരിച്ചു. പട്ടാമ്പി സംഘടിപ്പിച്ച സംഘാടക സമിതി രൂപീകരണ യോഗം സിപിഐ എം ജില്ലാ സെക്രട്ടറി ഇ എൻ സുരേഷ് ബാബു ഉദ്ഘാടനം ചെയ്തു.

Also Read: കോണ്‍ഗ്രസില്‍ നിന്നും പോയ നേതാവിന് ബിജെപിയില്‍ അടിമപ്പണി; വെളിപ്പെടുത്തല്‍ ഇങ്ങനെ

യോഗത്തിൽ ഡിവൈഎഫ്ഐ ജില്ലാ പ്രസിഡന്റ് ആർ ജയദേവൻ അധ്യക്ഷനായി. മനുഷ്യ ചങ്ങലയുടെ വിജയത്തിനായി ഇ എൻ സുരേഷ് ബാബു ചെയർമാനായും കെ സി റിയാസുദ്ധീൻ കൺവീനറായും പ്രവർത്തിക്കുന്ന 501 അംഗ സംഘാടക സമിതിയും 101 അംഗ എക്സിക്യൂട്ടീവ് കമ്മിറ്റിയും യോഗത്തിൽ രൂപീകരിച്ചു. സിപിഐഎം ജില്ലാ കമ്മിറ്റി അംഗങ്ങൾ, ഡിവൈഎഫ്ഐ സംസ്ഥാന – ജില്ലാ കമ്മിറ്റി അംഗങ്ങൾ, ബ്ലോക്ക് ഭാരവാഹികൾ എന്നിവർ പങ്കെടുത്ത് സംസാരിച്ചു.