മോമോസ് എല്ലാവർക്കും ഇഷ്ടമാണെങ്കിലും അത് ഉണ്ടാക്കാൻ കുറച്ച് പണിപ്പെടണം. സാധാരണഗതിയിൽ നമ്മുടെ വീടുകളിൽ കണ്ടുവരാത്ത ഒന്നാണ് മൈദ. അതുകൊണ്ടു തന്നെ മോമോസ് പോലുള്ള പലതും നമ്മൾ ഉണ്ടാക്കാൻ മടിക്കും. എന്നാൽ മൈദയില്ലാതെ ഗോതമ്പ് കൊണ്ട് ഒരു ചിക്കൻ മോമോസ് ഉണ്ടാക്കാൻ നോക്കിയാലോ. വളരെയെളുപ്പത്തിലുണ്ടാക്കാം വീറ്റ് ചിക്കൻ മോമോസ്.
Also Read: തക്കാളി പ്രിയരാണോ നിങ്ങള്‍ ! എങ്കില്‍ നിര്‍ബന്ധമായും ഈ ആരോഗ്യപ്രശ്‌നങ്ങള്‍ കൂടി അറിയുക
ആവശ്യമായ ചേരുവകൾ
2 കപ്പ് ആട്ട
2 ടീസ്പൂണ്‍ എണ്ണ
1 കപ്പ് ചെറുതാക്കിയ ചിക്കന്‍
1 കപ്പ് ഉള്ളി അരിഞ്ഞത്
1 ടീസ്പൂണ്‍ ഇഞ്ചി അരിഞ്ഞത്
1/2 കപ്പ് മല്ലിയില അരിഞ്ഞത്
2 ടീസ്പൂണ്‍ വെണ്ണ
ഉപ്പ് പാകത്തിന്
Also Read: സുവർണക്ഷേത്രത്തിലേക്ക് കയറുൽപ്പന്നങ്ങൾ; കരാർ നേടി കയര്‍ഫെഡ്
പാകം ചെയ്യുന്ന വിധം
ആദ്യം ഒരു പാത്രത്തില്‍ ചിക്കന്‍, ഉള്ളി, ഇഞ്ചി, മല്ലിയില, വെണ്ണ എന്നിവ ചേര്‍ത്ത് നന്നായി ഇളക്കി വെക്കണം. എല്ലാ ചേരുവകളും ശരിയായി മിക്‌സ് ആവാന്‍ കൈകള്‍ ഉപയോഗിക്കേണ്ടതാണ്. രുചിക്കനുസരിച്ച് ഉപ്പ് ചേര്‍ത്ത് 10-15 മിനിറ്റ് മാറ്റി വെക്കുക. ഈ സമയം ആട്ട, ഒരു നുള്ള് ഉപ്പ്, എണ്ണ, വെള്ളം എന്നിവ ചേര്‍ത്ത് കുഴക്കുക. ഇത് നല്ലതുപോലെ മാവ് പരുവത്തില്‍ ആക്കി മാറ്റി വെക്കുക. മാവ് എടുത്ത് ചെറിയ ഉരുളകളാക്കി ചെറിയ പൂരിയുടെ വലുപ്പത്തില്‍ പരത്തിയെടുക്കുക.
ഇതിന് നടുവിലേക്ക് ഒരു സ്പൂണ്‍ നിറയെ നമ്മള്‍ മുന്‍പ് മസാല മിക്‌സ് ചെയ്ത് മാറ്റി വെച്ച ചിക്കന്‍ ഉള്‍പ്പടെയുള്ള ചേരുവ ചേര്‍ക്കുക. പിന്നീട് മോമോസിന്റെ രൂപത്തില്‍ മടക്കിയെടുക്കുക. അല്ലെങ്കില്‍ നിങ്ങള്‍ക്ക് എല്ലാ വശങ്ങളും കൂട്ടിച്ചേര്‍ത്ത് ഉരുളയാക്കുകയും ചെയ്യാം പിന്നീട് ഇഡ്ഡലി തട്ടില്‍ എണ്ണ പുരട്ടി 20-30 മിനിറ്റ് ആവിയില്‍ വേവിച്ചെടുക്കണം. രുചികരമായ വീറ്റ് ചിക്കൻ മോമോസ് തയാർ.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
