പ്രതിപക്ഷത്തെ ലക്ഷ്യംവച്ചുള്ള ഇ ഡി റെയ്ഡുകൾ ആവർത്തിക്കുന്നു; തൃണമൂൽ മന്ത്രി രതിൻ ഘോഷിന്റെ വസതിയിൽ ഇ ഡി റെയ്ഡ്

തൃണമൂൽ മന്ത്രിസഭയിലെ ഭക്ഷ്യവകുപ്പ് മന്ത്രി രതിൻ ഘോഷിന്റെ വസതിയിൽ ഇ ഡി റെയ്ഡ്. നഗരസഭാ നിയമന അഴിമതിയിലാണ് ഇഡിയുടെ നടപടി. വസതിയുൾപ്പെടെ 13 ഇടങ്ങളിലാണ് റെയ്ഡ് നടക്കുന്നത്

ALSO READ: സിക്കിം മിന്നല്‍ പ്രളയം: മരണം 14 ആയി, രക്ഷാപ്രവർത്തനം തുടരുന്നു

കഴിഞ്ഞ ദിവസം ആം ആദ്മി എംപി സഞ്ജയ് സിങ്ങിനെയും നീണ്ട ചോദ്യംചെയ്യലിന് ശേഷം ഇ ഡി അറസ്റ് ചെയ്തിരുന്നു. ലോക്സഭാ തെരഞ്ഞെടുപ്പ് അടുത്തതോടെ എതിര്‍പക്ഷത്തെ ഇ ഡിയെ ഉപയോഗിച്ച് പിടിച്ചുകെട്ടാനുള്ള കേന്ദ്ര നീക്കം ചടുലമാകുന്നതിനിടെയാണ് സഞ്ജയ് സിങ്ങിന്റെ വീട്ടിലെ പരിശോധന. മുൻപ് ആപ്പ് മന്ത്രിസഭയിലെ ഉപമുഖ്യമന്ത്രിയായ മനീഷ് സിസോദിയയെയും ഇ ഡി അറസ്റ്റ് ചെയ്ത ജയിലിലടച്ചിരുന്നു. സഞ്ജയ് സിങ്ങിന്റെ വസതിയിലെ പരിശോധന രാഷ്ട്രീയപ്രേരിതമെന്ന് എഎപി ആരോപിച്ചത്.

ALSO READ: പ്രത്യേക പ്രദർശനങ്ങൾ ലിയോയ്ക്ക് ഇല്ല; റിലീസിന് മുൻപ് ആരാധകർ വിഷമത്തിൽ

അതേസമയം, ദില്ലി മദ്യനയ അഴിമതിക്കേസിൽ ഇ ഡി റെയ്ഡുകളും അറസ്റ്റുകളും തുടരുന്നതിനിടെ മുഖ്യമന്ത്രി അരവിന്ദ് കെജ്രിവാളിനെതിരെ പരസ്യ ഭീഷണിയുമായി ബിജെപി നേതാവ് ഗൗരവ് ഭാട്ടിയ രംഗത്തെത്തി. കെജ്‌രിവാളിനെ പാപിയെന്നും അഴിമതിയുടെ തലവനെന്നും വിശേഷിപ്പിച്ചതിന്റെ കൂടെയായിരുന്നു അറസ്റ്റ് വരിക്കേണ്ടിവരുമെന്ന് ഭീഷണിപ്പെടുത്തിയത്.