ഇസ്രയേൽ-ഹമാസ് യുദ്ധം; രണ്ട് ദിവസത്തെ വെടിനി‍ർത്തൽ നി‍‍‍‍ർദേശം മുന്നോട്ട് വെച്ച് ഈജിപ്റ്റ്

ഇസ്രയേൽ ഹമാസ് യുദ്ധം രൂക്ഷമായി തുടരുന്നതിനിടെ രണ്ട് ദിവസത്തെ വെടിനിർത്തൽ നിർദേശം മുന്നോട്ട് വെച്ച്  ഈജിപ്റ്റ് പ്രസിഡണ്ട് ആബ്ദെൽ ഫത്താഹ് എൽ-സിസി. ഗാസയിൽ ബന്ദികളാക്കിയ നാല് പേരുടെ മോചനം സാധ്യമാക്കാനാണിത്.

അൾജീരിയൻ പ്രസിഡൻ്റ് അബ്ദുൽമദ്ജിദ് ടെബൗണിനൊപ്പം കെയ്‌റോയിൽ നടത്തിയ വാർത്താ സമ്മേളനത്തിൽ, ഇസ്രായേൽ, യുഎസ്, ഈജിപ്ത്, ഖത്തർ എന്നിവിടങ്ങളിൽ നിന്നുള്ള നയതന്ത്രജ്ഞരെ ഉൾപ്പെടുത്തി ദോഹയിൽ നടന്ന ചർച്ചകൾക്കുള്ള പദ്ധതികൾക്കിടയിലാണ് ഈജിപ്ഷ്യൻ പ്രസിഡൻ്റ് ഈ നിർദേശം മുന്നോട്ട് വെച്ചത്.

ALSO READ; ഫിലിപ്പീൻസിൽ കനത്ത നാശം വിതച്ച് ട്രാമി; നൂറിലേറെ മരണം

ഖത്തറിനും യുഎസിനുമൊപ്പം മധ്യസ്ഥത വഹിക്കുന്ന ഈജിപ്റ്റ് ഇതാദ്യമായാണ് ഇത്തരമൊരു നിർദേശം മുന്നോട്ട് വെക്കുന്നത്.അതേസമയം ഈജിപ്റ്റിൻ്റെ ഈ നിർദേശത്തോട് ഇസ്രയേലോ ഹമാസോ ഇതുവരെ പ്രതികരിച്ചിട്ടില്ല. അതിനിടെ ഖത്തർ പ്രധാനമന്ത്രിയുമായും സിഐഎ ഡയറക്ടറുമായുമുള്ള കൂടിക്കാഴ്ചകൾക്കായി ഇസ്രയേൽ മൊസാദ് മേധാവി ഞായറാഴ്ച ദോഹയിലേക്ക് പോയിരുന്നു.