ആളുമാറി സ്വന്തം പാർട്ടിക്കാരനെ അധിക്ഷേപിച്ച് എൻഡിഎ സ്ഥാനാർത്ഥിയും നടിയുമായ കങ്കണ റണാവത്. തേജ്വസി യാദവിനെ ലക്ഷ്യമിട്ട് തൊടുത്തുവിട്ട അധിക്ഷേപവും ആരോപണവും പേരുമാറി സ്വന്തം പാർട്ടിയിലെ നേതാവായ തേജ്വസി സൂര്യയിലേക്ക് വന്നെത്തുകയായിരുന്നു. രണ്ടുപേരുടെയും പേരുകൾ നടിക്ക് മാറിപ്പോയതതായിരുന്നു.
എന്നാൽ സംഭവത്തിന്റെ വീഡിയോ സോഷ്യൽ മീഡിയയിൽ ട്രെൻഡിങ് ആയതോടെ കങ്കണ പുലിവാല് പിടിച്ചത് പോലെയായി. വാർത്ത സോഷ്യൽ മീഡിയയിലൂടെ വൻതോതിൽ പ്രചരിപ്പിക്കപ്പെട്ടതോടെ നിരവധി ട്രോളുകളാണ് താരത്തിനെതിരെ വന്നുകൊണ്ടിരിക്കുന്നത്. എൻ.ഡി.എ സ്ഥാനാർത്ഥിയായി മണ്ഡി മണ്ഡലത്തിൽ മത്സരിക്കുന്ന കങ്കണയ്ക്ക് കഴിഞ്ഞ ദിവസം തന്റെ മണ്ഡലത്തിൽ നടന്ന പ്രചാരണത്തിനിടെയാണ് അബദ്ധം പിണഞ്ഞത്.
ആർ.ജെ.ഡി നേതാവായ തേജ്വസി സൂര്യ ഗുണ്ടയാണെന്നും മത്സ്യം കഴിക്കും എന്നുമായിരുന്നു കങ്കണയുടെ പരാമർശം. തേജ്വസി യാദവ് എന്നതിന് പകരം സ്വന്തം പാർട്ടി നേതാവായ തേജ്വസി സൂര്യയുടെ പേരാണ് കങ്കണ പറഞ്ഞത്. ഇതോടെ സോഷ്യൽ മീഡിയയിൽ വലിയ രീതിയിൽ ഈ നാക്കുപിഴ ചർച്ചയായി. ധാരാളം പേരാണ് താരത്തെ ട്രോളിക്കൊണ്ട് ഇപ്പോൾ രംഗത്തെത്തിയിരിക്കുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
