ഇംഗ്ലീഷ് പ്രീമിയർ ലീഗ്; മാഞ്ചസ്റ്റർ സിറ്റിക്ക് തോൽവി

ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ സിറ്റിയുടെ കുതിപ്പിന് കടിഞ്ഞാണിട്ട് ബോണ്‍മൗത്ത്. ഒന്നിനെതിരെ രണ്ട് ഗോളുകൾക്കാണ് സിറ്റിയെ അട്ടിമറിച്ചത്. മറ്റൊരു മത്സരത്തിൽ ലിവർപൂൾ 2-1 ന് ബ്രൈറ്റണെ തോൽപ്പിച്ചു . ഇതോടെ പോയിന്റ് ടേബിളിൽ സിറ്റിയെ പിന്തള്ളി ലിവർപൂൾ ഒന്നാമതെത്തി.

Also read:സ്കൂള്‍ കായികമേള ഹൈടെക്കാക്കി കൈറ്റ്

ഇംഗ്ലീഷ് പ്രീമിയർ ലീഗിൽ ഈ സീസണിൽ ഇതുവരെ മാഞ്ചസ്റ്റർ സിറ്റിയുടെ തേരോട്ടമായിരുന്നു. തൊട്ടു പിന്നാലെ ലിവർപൂളും. ഇരു ടീമുകളും പത്ത് മത്സരങ്ങളിൽ ഏ‍ഴും ജയിച്ചു. 23 പോയിന്റുമായി സിറ്റിയായിരുന്നു ഒന്നാം സ്ഥാനത്ത്.

എന്നാൽ ഇപിഎല്ലിന്റെ ചരിത്രത്തിൽ തന്നെ ആദ്യമായി സിറ്റിയെ ബോണ്‍മൗത്ത് തോൽപ്പിച്ചു. 14 -ാം മിനിറ്റിൽ തന്നെ സിറ്റിയെ ബോണ്‍മൗത്ത് ഞെട്ടിച്ചു. ആദ്യ ഗോൾ തിരിച്ചടിക്കാനുള്ള ശ്രമം. എന്നാൽ രണ്ടാമതും സിറ്റിയുടെ ഗോൾ വല കുലുങ്ങി. തിരിച്ചടിക്കാനുള്ള ശ്രമങ്ങളൊക്കെ പാ‍ഴായി. 82-ാം മിനിറ്റിൽ ഗ്വാർഡിയോൾ സിറ്റിക്കായി ഗോൾ മടക്കി. പിന്നെയും സമനിലക്കായി മികച്ച നീക്കങ്ങൾ. ഗോൾ മാത്രം പിറന്നില്ല. സിറ്റിയുടെ അപരാജിത കുതിപ്പിന് താൽക്കാലിക വിരാമം. സ്കോർ 2-1.

Also read:ഇന്ത്യ കരകയറുന്നു; മിന്നൽ ഫിഫ്റ്റിയുമായി പന്ത് കൂടാരം കയറി, ​ഗിൽ പൊരുതുന്നു

ഇതേസമയം, തന്നെയായിരുന്നു ലിവർപൂളിന്റെ പോരാട്ടവും. ബ്രൈറ്റനോട് ആദ്യം ഗോൾ വ‍ഴങ്ങി. പിന്നെ ഗാംഗ്പോയിലൂടെ സമനില പിടിച്ചു. മൂന്ന് മിനിറ്റിനുള്ളിൽ തന്നെ സ്റ്റാർ സ്ട്രൈക്കർ മുഹമ്മദ് സാലായുടെ സുന്ദരമായ ഗോൾ. ഒടുവിൽ കളി അവസാനിക്കുമ്പോൾ 2-1 ന് ലിവർ പൂളിന് ജയം. പോയിന്റു പട്ടികയിലും ലിവർപൂൾ ഒന്നാംസ്ഥാനത്തേക്ക് നടന്നു കയറി . സിറ്റിക്ക് ഒന്നിൽ നിന്ന് രണ്ടാം സ്ഥാനത്തേക്ക് പടിയിറക്കം.