ചരിത്രം സൃഷ്ടിച്ച് സംരംഭക വർഷം പദ്ധതി; രണ്ടാം വർഷവും തുടർച്ചയായി ഒരു ലക്ഷം സംരംഭങ്ങൾ: മന്ത്രി പി രാജീവ്

ചരിത്രം സൃഷ്ടിച്ച് സംരംഭക വർഷം പദ്ധതി. രണ്ടാം വർഷവും തുടർച്ചയായി ഒരു ലക്ഷം സംരംഭങ്ങളുണ്ടായെന്ന് മന്ത്രി പി രാജീവ്. സംരംഭക വർഷം 100026 പുതിയ തൊഴിൽ സംരംഭമുണ്ടായെന്നും 11 മാസം കൊണ്ട് 6713 കോടി നിക്ഷേപം ഉണ്ടായെന്നും മന്ത്രി പറഞ്ഞു. ഈ വർഷം ടാർജറ്റ് നിശ്ചയിച്ചിരുന്നില്ല. രണ്ടു വർഷം കൊണ്ട് ആകെ 2, 39,922 തൊഴിൽ സംരംഭം ഉണ്ടായതായി മന്ത്രി ചൂണ്ടിക്കാട്ടി. ഇതോടെ ആകെ നിക്ഷേപം 15138.05 കോടിയാണെന്നും ആകെ തൊഴിൽ ലഭിച്ചത് 5,09,935 ലക്ഷം പേർക്കാണെന്നും മന്ത്രി പറഞ്ഞു . 76377 വനിത സംരംഭവും സംസ്ഥാനത്ത് ഉണ്ടായിട്ടുണ്ട്.

ALSO READ: കുട്ടികളുടെ കായിക ശേഷി പരിപോഷിപ്പിക്കാന്‍ സമ്മര്‍ ക്യാമ്പ്

ഒരു ലക്ഷം സംരംഭങ്ങൾ തുടർച്ചയായ രണ്ടാം വർഷവും ഉണ്ടായി. 11 മാസം കൊണ്ട് 2,09,725 പേർക്ക് തൊഴിൽ നൽകിയെന്നും മന്ത്രി പറഞ്ഞു. 2 വർഷത്തെ കണക്കുകൾ പ്രകാരം എറണാകുളം ജില്ലയാണ് ഒന്നാം സ്ഥാനത്ത്. തിരുവനന്തപുരം രണ്ടാം സ്ഥാനത്തും തൃശൂർ മൂന്നാം സ്ഥാനത്തുമാണ്.

ALSO READ: ‘ദേ അതെനിക്ക് ഇതാണ്…’; മാധ്യമപ്രവർത്തകനോട് അസഭ്യം സൂചിപ്പിക്കുന്ന മറുപടിയുമായി സുരേഷ് ഗോപി,വിവാദം