ഡേറ്റിങ് ആപ്പുകളിൽ വിവാഹിതരുടെ എണ്ണം കൂടുന്നു, ഫ്രാൻസിലെ ‘വിവാഹേതരബന്ധ’ ഡേറ്റിങ് ആപ്പിൽ ലക്ഷക്കണക്കിന് ഇന്ത്യക്കാർ

ഡേറ്റിങ് ആപ്പുകളിൽ ഇന്ത്യയിൽ നിന്നുള്ള വിവാഹിതരുടെ എണ്ണം കൂടുന്നുവെന്ന് റിപ്പോർട്ട്. വിവാഹേതര ബന്ധങ്ങൾക്കായി ഡേറ്റിങ് ആപ്പുകൾ ഉപയോഗിക്കുന്നവരുടെ എണ്ണം ദിനം പ്രതി കൂടി വരികയാണ് എന്നാണ് ഫ്രാൻസ് ആസ്ഥാനമായി പ്രവർത്തിക്കുന്ന ഡേറ്റിങ് ആപ്പ് വ്യക്തമാക്കുന്നത്.

ALSO READ: “ശബരിമലയിലെ തിരക്ക് സ്വാഭാവികം, അതിനെ ചിലർ വിവാദമാക്കുന്നു”: മന്ത്രി കെ രാധാകൃഷ്ണൻ

ഫ്രാൻസിൽ രൂപകൽപന ചെയ്ത ഒരു എക്സ്ക്ലൂസീവ് ‘വിവാഹേതരബന്ധ’ ഡേറ്റിങ് ആപ്പിൽ 20 ലക്ഷത്തോളം ഇന്ത്യൻവരിക്കാർ (യൂസേഴ്‌സ്) ഉണ്ടെന്നാണ് കണക്കുകൾ സൂചിപ്പിക്കുന്നത്. തങ്ങളുടെ ആകെയുള്ള വരിക്കാരിൽ 10 ശതമാനവും ഇന്ത്യയിൽനിന്നാണെന്ന്‌ 2023-ന്റെ ആദ്യപാദത്തിൽ ഇവർ പുറത്തുവിട്ട റിപ്പോർട്ടിൽ പറയുന്നത്. ചുരുങ്ങിയ കാലത്തിനുള്ളിൽ ഇന്ത്യയിൽനിന്നുള്ള ഉപയോക്താക്കളുടെ എണ്ണത്തിൽ നാലിരട്ടി വളർച്ചയുണ്ടെന്നും ഇവർ പറയുന്നു.

ALSO READ: നേരിന്റെ വിശേഷങ്ങൾ; ആർക്കും തന്നെ വിശ്വാസമില്ലെന്ന് ജീത്തു ജോസഫ്

സ്ത്രീകളെ മാത്രം കേന്ദ്രീകരിച്ച് ചില പ്രത്യേകം രൂപകല്പനചെയ്ത ആപ്പുകളും തനിനാടൻ സ്വദേശി ആപ്പുകളും ഈ രംഗത്ത് ഇപ്പോൾ പ്രവർത്തിക്കുന്നുണ്ട്. 2024-ൽ ഇത്തരം ആപ്പുകൾ വമ്പൻ വളർച്ച നേടുമെന്നാണ് ബിസിനസ് രംഗത്തെ വിദഗ്ധരുടെ അനുമാനം. 2023 ൽ തന്നെ സമൂഹ മാധ്യമങ്ങൾ പോലെ എല്ലാവരും ഉപയോഗിക്കുന്ന ഒന്നായി ഡേറ്റിങ് ആപ്പുകളും മാറിയിട്ടുണ്ട്. കണക്കുകൾ പ്രകാരം സ്ത്രീകളാണ് ഏറ്റവുമധികം ഈ ആപ്പുകൾ ഉപയോഗിക്കുന്നത്.