യൂത്ത് കോണ്‍ഗ്രസ് തെരഞ്ഞെടുപ്പില്‍ വ്യാജ വോട്ട് ചെയ്‌തെന്ന് കെപിസിസി അംഗം വെളിപ്പെടുത്തുന്ന ഫോണ്‍ സംഭാഷണം കൈരളി ന്യൂസ് പുറത്ത് വിട്ടു. എ ഗ്രൂപ്പ് നേതാവ് സി ആര്‍ നജീബ് കെഎസ്‌യു വൈസ് പ്രസിഡന്റ് യദുകൃഷ്ണനോട് പറയുന്ന ശബ്ദരേഖയിലാണ് വെളിപ്പെടുത്തല്‍. കെപിസിസി നിര്‍വാഹക സമിതി അംഗം ചാമക്കാല ജ്യോതികുമാര്‍ എ ഗ്രൂപ് സ്ഥാനാര്‍ത്ഥികളുടെ വോട്ട് വെട്ടി മാറ്റിയെന്നും സി ആര്‍ നജീബ് ആരോപിക്കുന്നു.
യൂത്ത് കോണ്‍ഗ്രസ് തെരഞ്ഞെടുപ്പില്‍ വ്യാജ ഐഡി ഉപയോഗിച്ച് വോട്ട് ചെയ്‌തെന്ന വെളിപ്പെടുത്തലിന് പിന്നാലെ കൊല്ലം ജില്ലയില്‍ കെപിസിസി നിര്‍വാഹക സമിതി അംഗം ചാമക്കാല ജ്യോതികുമാര്‍ ഐ ഗ്രൂപ് സ്ഥാനാര്‍ത്ഥികളെ വിജയിപ്പിക്കാന്‍ വോട്ട് വെട്ടി മാറ്റി എ ഗ്രൂപ്പ് സ്ഥാനാര്‍ത്ഥികളെ പരാജയപ്പെടുത്തി എന്ന് സിആര്‍ നജീബ് ആരോപിക്കുന്നു.
READ ALSO:അങ്കണവാടി, ആശ ജീവനക്കാര്‍ക്ക് വേതനം വര്‍ധിപ്പിച്ചു; 88,977 പേര്‍ക്ക് നേട്ടം
ഇതോടെ യൂത്ത് കോണ്‍ഗ്രസ് ഭാരവാഹി തെരഞ്ഞെടുപ്പില്‍ വ്യാജ വോട്ട് ഉപയോഗിച്ചതിന് കൂടുതല്‍ തെളിവുകള്‍ പുറത്തുവന്നിരിക്കുകയാണ്. കൊല്ലത്ത് എ ഗ്രൂപ്പിന്റെ സ്ഥാനാര്‍ത്ഥികളെല്ലാം തോറ്റിരുന്നു. ഐ ഗ്രൂപ്പ് നേതാവ് ജ്യോതികുമാര്‍ ചാമക്കാലയുടെ സ്ഥാനാര്‍ത്ഥികളാണ് വിജയിച്ചത്. യൂത്ത് കോണ്‍ഗ്രസ് ഭാരവാഹി തെരഞ്ഞെടുപ്പില്‍ വ്യാജ വോട്ട് ഉപയോഗിച്ച് വോട്ട് ചെയ്‌തെന്ന പരാതി വ്യാപകമായി ഉയരുന്നതിനിടെ കൊല്ലം ജില്ലയിലും ഗ്രൂപ്പ് യുദ്ധം മുറുകുകയാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
