പ്രശസ്ത കൊറിയന്‍ നടന്‍ സോംഗ് ജെ റിം അന്തരിച്ചു. ചൊവ്വാഴ്ചയായിരുന്നു മരണം. സൗത്ത് കൊറിയയിലെ സിയോങ്ഡോംഗില്‍ അപ്പാര്‍ട്ട്മെന്റില്‍ 39കാരനായ നടനെ മരിച്ച നിലയില്‍ കണ്ടെത്തുകയായിരുന്നു. അപ്പാര്‍ട്ട്മെന്റില്‍ നിന്ന് രണ്ട് പേജുള്ള ആത്മഹത്യ കത്ത് കണ്ടെത്തിയതായി റിപ്പോര്‍ട്ടുണ്ട്. നടന്റേത് ആത്മഹത്യയാണെന്നാണ് റിപ്പോര്‍ട്ടുകള്‍.
Also Read : തെലുങ്കരെ അധിക്ഷേപിക്കുന്ന തരത്തിൽ പരാമർശം, നടി കസ്തൂരിക്ക് മുന്‍കൂര്‍ ജാമ്യം നിഷേധിച്ച് മദ്രാസ് ഹൈക്കോടതി
‘മൂണ്‍ എംബ്രേസിംഗ് ദി സണ്‍’, ‘ടു വീക്ക്സ്’ തുടങ്ങിയ പ്രിയപ്പെട്ട ഡ്രാമകളിലെ വേഷങ്ങളിലൂടെ പ്രശസ്തനായ ദക്ഷിണ കൊറിയന്‍ നടന്‍ സോംഗ് ജെ-റിം. ദി റോസ് ഓഫ് വെര്‍സൈല്‍സ് എന്ന ഡ്രാമയിലാണ് താരം അവസാനം അഭിനയിച്ചത്.
ദ സസ്‌പെക്റ്റ്, ടണല്‍ 3 ഡി, നെറ്റ്ഫ്‌ലിക്‌സ് ഫിലിം യക്ഷ: റൂത്ത്‌ലെസ് ഓപ്പറേഷന്‍സ്, ഗുഡ് മോര്‍ണിംഗ് എന്നിവയുള്‍പ്പെടെ നിരവധി സിനിമകളില്‍ താരം അഭിനയിച്ചിട്ടുണ്ട്. സീക്രട്ട് ഗാര്‍ഡന്‍, മൂണ്‍ എംബ്രേസിംഗ് ദി സണ്‍, ടു വീക്ക്സ്, അണ്‍കൈന്‍ഡ് ലേഡീസ് എന്നിവയിലും അഭിനയിച്ചിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
