ശക്തമായ മഴയില്‍ ആന്ധ്രയിലെ ഗോദാവരി മേഖലില്‍ സ്ഥിതി ചെയ്തിരുന്ന 150 വര്‍ഷം പഴക്കമുള്ള ‘സിനിമാ’ മരം കടപുഴകി. സംസ്ഥാനത്തെ ഈസ്റ്റ് ഗോദാവരി ജില്ലയിലെ കൊവ്വൂരിലുള്ള കുമാര്‍ദേവം ഗ്രാമത്തിലെ കുമാരസ്വാമി സ്‌നാനഘട്ടത്തിനടുത്താണ് ഈ മരം സ്ഥിതി ചെയ്തിരുന്നത്. 1953, 1986, 2022 വര്‍ഷങ്ങളിലെ പ്രളയത്തെയും 1996ലെ ചുഴലിക്കാറ്റിനെയും അതിജീവിച്ച മരമാണിത്.
കഴിഞ്ഞ 50 വര്‍ഷത്തിനിടെ സിനിമാക്കാരുടെ ഇഷ്ടപ്പെട്ട ലൊക്കേഷനായിരുന്ന ഈ മരം നിന്നിടം മുന്നൂറിലേറെ ചിത്രങ്ങളിലുള്‍പ്പെട്ടിട്ടുണ്ട്. ബാപു, കെ.വിശ്വനാഥ്, റാഘവേന്ദ്ര റാവു തുടങ്ങിയ പ്രശസ്ത സിനിമാ സംവിധായകരുടെ സിനിമിലെ സ്ഥിരം ലൊക്കേഷനായിരുന്നു ഇവിടം.
പണ്ട് ഈ ഗ്രാമത്തിലുണ്ടായിരുന്ന സിംഗുലൂരി താത്താബായ് എന്ന വ്യക്തിയാണ് ഈ മരം നട്ടത്. മരം വീണ വാര്‍ത്ത വൈറലായതോടെ പ്രകൃതിസ്നേഹികളും നാട്ടുകാരും സംഭവസ്ഥലത്തെത്തി. കടപുഴകിയ മരത്തെ പൂര്‍വസ്ഥിതിയിലാക്കാന്‍ സംസ്ഥാന വനവകുപ്പ് ഇടപെടണമെന്നാണ് ഇവരുടെ ആവശ്യം.
സമനിയ സമന്‍ എന്ന പേരിലാണ് മഴവൃക്ഷം അറിയപ്പെടുന്നത്. മധ്യ, തെക്കന്‍ അമേരിക്കന്‍ മേഖലകളിലാണ് ഈ മരത്തിന്റെ ജന്മദേശം.
Good news for those upset with the collapse of 150-years old Nidraganneru tree at Kumaradevam in EastGodavari, popular as ‘Cinema Tree’ (300 films shot here).
Rajahmundry Rotary Club Icons took up its restoration.
The process takes 45-60 days & 4 months monitoring#AndhraPradesh pic.twitter.com/TlxjdPRfoD— P Pavan (@PavanJourno) August 8, 2024
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
