നിവിന്‍ പോളി പ്രധാന വേഷത്തില്‍ എത്തിയ മ്യൂസിക് ആല്‍ബം ‘ഹബീബീ ഡ്രിപ്പ്’ വീഡിയോ റിലീസ് ചെയ്തു. നേരത്തെ ഗാനത്തിന്റെ ടീസര്‍ സമൂഹ മാധ്യമങ്ങളില്‍ പുറത്തിറക്കിയിരുന്നു. ഇതും വലിയ രീതിയില്‍ വൈറലായിരുന്നു. സ്‌റ്റൈലിഷ് ലുക്കില്‍, വ്യത്യസ്ത ഗെറ്റപ്പുകളിലാണ് നിവിന്‍ പോളി ഈ ഗാനത്തില്‍ എത്തിയിരിക്കുന്നത്. ഗള്‍ഫിലാണ് ഈ ഗാനം ചിത്രീകരിച്ചിരിക്കുന്നത്.
കിടിലന്‍ നൃത്തച്ചുവടുകളുമായാണ് നിവിന്‍ ഗാനത്തില്‍ പ്രത്യക്ഷപ്പെടുന്നത്. ടീസര്‍ പുറത്തിറങ്ങിയപ്പോള്‍ മുതല്‍ പാട്ടിന്റെ മുഴുവന്‍ പതിപ്പിനായി ആരാധകര്‍ ആകാംക്ഷയോടെ കാത്തിരിക്കുകയായിരുന്നു. ‘ഹബീബീ ഡ്രിപ്പി’നു വരികള്‍ കുറിച്ചതും ആലപിച്ചതും റാപ്പര്‍ ഡബ്സി ആണ്. റിബിന്‍ റിച്ചാര്‍ഡ് ഗാനത്തിന് ഈണമൊരുക്കി. പാട്ടിന്റെ നിര്‍മാണവും റിബിന്‍ തന്നെയാണ് നിര്‍വഹിച്ചിരിക്കുന്നത്. ഇതിനകം തന്നെ പാട്ട് ശ്രദ്ധേയമായി കഴിഞ്ഞു.
ALSO READ:ബൈക്കും കാറും കൂട്ടിയിടിച്ച് യുവാവ് മരിച്ചു
പാട്ട് ട്രെന്‍ഡിങ്ങിലും ഒന്നാമതെത്തി. നിവിന്‍ പോളിയുടെ വേറിട്ട ലുക്കും പ്രകടനവും കണ്ട് ആരാധകര്‍ അമ്പരപ്പിലാണ്. ‘ഹബീബീ ഡ്രിപ്പി’ന്റെ സംവിധാനം നിര്‍വഹിച്ചിരിക്കുന്നത് ഷാഹിന്‍ റഹ്‌മാന്‍, നിഖില്‍ രാമന്‍ എന്നിവര്‍ ചേര്‍ന്നാണ്. കുട്ടു ശിവാനന്ദന്റേതാണ് ആശയം. രജിത് ദേവാണ് നൃത്തസംവിധാനം നിര്‍വഹിച്ചിരിക്കുന്നത്. ഹബീബി ഡ്രിപ്പിന് വേണ്ടി ക്യാമറ ചലിപ്പിച്ചത് സംവിധായകരിലൊരാളായ നിഖില്‍ രാമനും അസം മുഹമ്മദും ചേര്‍ന്നാണ്. എഡിറ്റിങ്: ഷാഹിന്‍ റഹ്‌മാന്‍.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
