ഭാര്യക്ക് അവിഹിത ബന്ധമുണ്ടെന്ന് സംശയിച്ച് നവജാത ശിശുവിന് കീടനാശിനി കുത്തിവെച്ച് അച്ഛന്‍. കഴിഞ്ഞ വര്‍ഷമാണ് ചന്ദന്‍ തന്‍മയി എന്ന യുവതിയെ വിവാഹം കഴിച്ചത്. മെയ് 9നാണ് ഇവര്‍ക്ക് പെണ്‍കുഞ്ഞ് ജനിച്ചത്. ആശുപത്രിയില്‍ നിന്ന് പ്രസവ ശുശ്രൂഷയ്ക്കായ് തന്‍മയി നീലഗിരി ജില്ലയിലെ തന്റെ ഗ്രാമത്തിലേക്ക് പോയി. തിങ്കളാഴ്ച കുഞ്ഞിനെ കാണാനെത്തിയ ചന്ദന്‍, വിഷം കുത്തിവയ്ക്കുകയായിരുന്നു. കുട്ടിയുടെ കരച്ചില്‍ കേട്ട് ബാത്ത് റൂമില്‍ നിന്ന് പുറത്തുവന്ന തന്‍മയി കണ്ടത് കയ്യില്‍ സിറിഞ്ചും കീടനാശിനിയുമായി നില്‍ക്കുന്ന ചന്ദനെയാണ്. ആദ്യം എന്താണ് ചെയ്തതെന്ന് ഇയാള്‍ സമ്മതിച്ചില്ല. പിന്നീട് കീടനാശനിനി കുത്തിവയ്ക്കുകയായിരുന്നു എന്ന് സമ്മതിച്ചു. ഒഡീഷയിലെ ബാലാസോറിലാണ് സംഭവം നടന്നത്. ബാലാസോറിലെ ജില്ലാ ആശുപത്രിയില്‍ പ്രവേശിപ്പിച്ച പെണ്‍കുഞ്ഞിന്റെ നില ഗുരുതരമായി തുടരുകയാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
