ഫി​ഫ അ​റ​ബ് കപ്പ് ഖ​ത്ത​റി​ൽ തന്നെ; അ​ടു​ത്ത മൂ​ന്നു സീ​സ​ണു​ക​ൾക്ക് വേദിയാകും

ഫി​ഫ അ​റ​ബ് കപ്പ് ഖ​ത്ത​റി​ൽ നടത്താൻ തീരുമാനം. 2025, 2029, 2033 എന്നീ വർഷങ്ങളിൽ ആണ് ഖത്തറിൽ ചാ​മ്പ്യ​ൻ​ഷി​പ്പ് നടക്കുന്നത്. തായിലാന്റിലെ ബാ​ങ്കോ​ക്കി​ൽ ചേ​ർ​ന്ന ഫി​ഫ കൗ​ൺ​സി​ൽ യോ​ഗ​ത്തി​ലാ​ണ് അ​ടു​ത്ത മൂ​ന്നു സീ​സ​ണു​ക​ളി​ലെ വേ​ദി​യാ​യി ഖത്തറിനെ ​തെ​ര​ഞ്ഞെ​ടു​ത്ത​ത്.

ALSO READ: ലീഗ് മത്സരങ്ങള്‍ മറ്റ് രാജ്യങ്ങളില്‍ നടത്തുന്നതിനുള്ള വിലക്ക് മാറ്റുന്നത് ഫിഫയുടെ പരിഗണനയില്‍

2021ൽ ​ഖ​ത്ത​ർ വേ​ദി​യാ​യ ഫി​ഫ അ​റ​ബ് ക​പ്പ് വി​ജ​യകര​മാ​യി ന​ട​ന്ന സാഹചര്യത്തിലാണ് ടൂ​ർ​ണ​മെ​ന്റ് തു​ട​ര​ണ​മെ​ന്ന അഭിപ്രായം ഖ​ത്ത​ർ ഫു​ട്ബാ​ൾ അ​സോ​സി​യേ​ഷ​ൻ അ​പേ​ക്ഷ അം​ഗീ​ക​രി​ച്ചത്. തെരഞ്ഞെടുക്കപ്പെട്ട വർഷങ്ങളിൽ ഡി​സം​ബ​റി​ലാ​യി​രി​ക്കും ടൂ​ർ​ണ​മെ​ന്റ് ന​ട​ക്കു​ന്ന​ത്.

ര​ണ്ട് ഫി​ഫ ​ടൂ​ർ​ണ​മെ​ന്റു​ക​ള്‍ക്കാണ് വ​രും​ വ​ർ​ഷം മു​ത​ൽ ഖ​ത്ത​ർ വേ​ദി​യാ​കു​ന്ന​ത്. അ​ണ്ട​ർ 17 ലോ​ക​ക​പ്പി​ന് 2025 മു​ത​ൽ 2029 വ​രെ തു​ട​ർ​ച്ച​യാ​യി അ​ഞ്ചു വ​ർ​ഷ​ങ്ങ​ളി​ൽ ഖ​ത്ത​റി​​നെ വേ​ദി​യാ​യി തെ​ര​ഞ്ഞെ​ടു​ത്തി​രു​ന്നു.ഇ​താ​ദ്യ​മാ​യാ​ണ് അ​ണ്ട​ർ 17 ലോ​ക​ക​പ്പി​ന് സ്ഥി​രം വേ​ദിയാകുന്നത് . 48 ടീ​മു​ക​ൾ മാ​റ്റു​ര​ക്കും.

ALSO READ: കടയിൽ കയറി കുത്തിക്കൊന്നു; തോപ്പുംപടി കൊലപാതകത്തിൻ്റെ ഞെട്ടിയ്ക്കുന്ന ദൃശ്യങ്ങൾ പുറത്ത്