സെൽഫി എടുക്കുന്നവർക്കെതിരെ പിഴ ചുമത്തും; വിചിത്ര തീരുമാനവുമായി ഇറ്റലിയിലെ പ്ലോർട്ടോഫിനോ നഗര ഭരണകൂടം

രാജ്യത്ത് സെൽഫി എടുക്കുന്നവർക്കെതിരെ പിഴ ചുമത്തുന്ന തീരുമാനവുമായി ഇറ്റലിയിലെ പ്ലോർട്ടോഫിനോ ന​ഗരത്തിലെ പ്രാദേശിക ഭരണകൂടം. സഞ്ചാരികളുടെ ഇഷ്ട കേന്ദ്രമായ പ്ലോർട്ടോഫിനോ ന​ഗരത്തിൽ തിരക്ക് വർധിച്ചുവരികയാണെന്നും വേ​ഗം തന്നെ കാണേണ്ടതെല്ലാം കണ്ടു തീർത്ത് സ്ഥലം വിടണമെന്നുമാണ് പ്രാദേശിക ഭരണകൂടത്തിന്റെ തീരുമാനം.

രാജ്യത്തെ ഏറ്റവും കളർ ഫുൾ ന​ഗരങ്ങളിൽ ഒന്നാണ് പ്ലോർട്ടോഫിനോ ന​ഗരം. സഞ്ചാരികൾ സെൽഫി എടുക്കാൻ ധാരളം സമയം ചെലവഴിക്കുന്നതിനാൽ, തിരക്ക് വർധിക്കുന്നു എന്നും അതിനാലാണ് ഈ തീരുമാനമെന്നും ഭരണകൂടം അറിയിച്ചു. അതിനാൽ ഈ ന​ഗരത്തിൽ സെൽഫി എടുക്കുന്ന ആളുകളിൽ നിന്ന് 275 യൂറോ ( 24,777 രൂപ) പിഴ ഈടാക്കാൻ തീരുമാനിച്ചിരിക്കുകയാണ് .

രാവിലെ 10.30 മുതൽ വൈകുന്നേരെ 6 മണിവരെയാണ് സെൽഫിക്ക് നിരോധനം. പ്രധാന ടൂറിസ്റ്റ് മേഖലയായിട്ടും സെൽഫി നിരോധിക്കുന്ന ആദ്യ സ്ഥലമല്ല പ്ലോർട്ടോ. ഇതിന് മുൻപ് സമാനരീതിയിൽ അമേരിക്കയിലെയും യുകെയിലെയും ചില സ്ഥലങ്ങളിൽ സെൽഫി നിരോധിച്ചിരുന്നു.