നിർമ്മാണ പ്രവർത്തനങ്ങളുടെ ഭാഗമായി ഫയർ അലാറം മുഴങ്ങുമ്പോൾ ജീവനക്കാർ ഭയപ്പെടേണ്ടതില്ലെന്ന നിർദേശവുമായി സർക്കുലർ ഇറങ്ങിയത് , തലസ്ഥാനത്ത് സെക്രെട്ടറിയേറ്റിലാണ് . ഡെപ്യൂട്ടി സെക്രട്ടറിയായ ശ്യാം ടികെ ആണ് സർക്കുലർ പുറത്തിറക്കിയത്. സെക്രട്ടറിയറ്റിൽ അഗ്നിശമന , സുരക്ഷാ സംവിധാനങ്ങൾ ശക്തിപ്പെടുത്തുന്നതിന്റെ ഭാഗമായുള്ള നിർമ്മാണ പ്രവർത്തനങ്ങൾ നടന്നു വരികയാണ്. ഇതിന്റെ ഭാഗമായി ചിലപ്പോൾ ഫയർ അലാറം മുഴങ്ങാൻ സാധ്യതയുണ്ടെന്നും അത് ജീവനക്കാരിൽ ഭീതി സൃഷടിക്കാൻ ഇടയാക്കരുതെന്നുമാണ് ഡെപ്യൂട്ടി സെക്രട്ടറിയുടെ ഓർമ്മപ്പെടുത്തൽ.
സെക്രെട്ടറിയേറ്റിലെ അനക്സ് രണ്ടിലാണ് അഗ്നി സുരക്ഷാ സംവിധാനങ്ങളുമായി ബന്ധപ്പെട്ട നിർമ്മാണ പ്രവർത്തനങ്ങൾ നടക്കുന്നത്. അതിന്റെ ഭാഗമായി ഫയർ അലാറം മുഴങ്ങിയത് അത് ജീവനക്കാരിൽ ഭീതി സൃഷ്ടിക്കാതിരിക്കാൻ ബന്ധപ്പെട്ട സുരക്ഷാ ഉദ്യോഗസ്ഥരും ഫയർ ഫോഴ്സ് ഉദ്യോഗസ്ഥരും ആവശ്യമായ മുൻകരുതലുകളും സുരക്ഷാ മുന്നറിയിപ്പുകൾ നൽകുന്നതിനുള്ള നടപടികളും സ്വീകരിക്കേണ്ടതാണെന്നാണ് സർക്കുലറിൽ പറയുന്നത് .
Also read : ഇടുക്കിക്കാർക്കും കേൾക്കാം ഇനി ട്രെയിനിന്റെ ചൂളംവിളി, ബോഡിനായ്ക്കന്നൂർ ട്രെയിൻ സർവീസ്‌ ഇന്നുമുതൽ ആരംഭിക്കും
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
