വടകര പഴങ്കാവില്‍ വയലില്‍ തീ പിടിത്തം. പത്ത് ഏക്കറോളം തരിശ് പാടം കത്തി നശിച്ചു. ഫയര്‍ഫോഴ്‌സ് എത്തി തീ അണച്ചു.
തിങ്കളാഴ്ച രാത്രി ഒമ്പത് മണിയേടെയാണ് വടകര പഴങ്കാവിലെ നളോം വയലില്‍ തീ പിടിച്ചത് നാട്ടുകാരുടെ ശ്രദ്ധയില്‍പ്പെട്ടത്.മുമ്പ് നെല്‍കൃഷി ചെയ്തിരുന്ന വയല്‍ കാട് മൂടിയ നിലയിലിയാലിരുന്നു.
തരിശ് പാടം ഏതാണ്ട് മുഴുവനും കത്തിനശിച്ചു. നാല് ഭാഗത്തും പടര്‍ന്ന തീ അണയ്ക്കുക ഏറെ ശ്രമകരമായിരുന്നു. ഫയര്‍ഫോഴ്‌സ് വാഹനത്തിന് സ്ഥലത്ത് എത്താനാവത്തത് തീ അണയ്ക്കുന്നതിന് തടസമായി. നാട്ടുകാര്‍ നടത്തിയ പരിശ്രമം വിജയിച്ചില്ല. രാവിലെ ഫയര്‍ഫോഴ്‌സ് സംവിധാനം ഉപയോഗിച്ച് തന്നെ തീ അണച്ചു. നഗരസഭ കൗണ്‍സിലര്‍, പി.പി. ബാലകൃഷ്ണന്‍
രാത്രി മുഴുവന്‍ തീ വീടുകളിലേക്ക് പടരുമോ എന്ന ഭീതിലാണ് നാട്ടുകാര്‍ കഴിഞ്ഞത്. ഏതാനും ദിവസം മുമ്പും ഇവിടെ തീ പിടിത്തമുണ്ടായിരുന്നു. അന്നും പത്തേക്കറോളം സ്ഥലം കത്തിനശിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
