ഇസ്രയേലിന്റെ യുദ്ധഭൂമിയിൽ നിന്ന് ആദ്യ സംഘത്തിലെ മലയാളികള്‍ തിരികെയെത്തി. അഞ്ച് പേര്‍ നോര്‍ക്ക വഴിയും രണ്ട് പേര്‍ സ്വന്തം നിലയിലുമാണ് തിരികെ നാട്ടിലെത്തിയത്. ഇസ്രയേലില്‍ വീണ്ടും സമാധാനം പുനഃസ്ഥാപിച്ചാല്‍ തിരികെ പോകാനാകുമെന്ന് വിദ്യാര്‍ത്ഥികള്‍ മാധ്യമങ്ങളോട് പ്രതികരിച്ചു.
ALSO READ: വൈകുന്നേരം ചായയ്‌ക്കൊപ്പം രുചിയൂറും കിളിക്കൂട്… ഈസി റെസിപ്പി
ഇസ്രയേൽ പലസ്‌തീൻ സംഘർഷത്തിൽ ഇസ്രായേലിൽ കുടുങ്ങിക്കിടക്കുന്ന ഇന്ത്യക്കാരെ തിരികെയെത്തിക്കുന്ന ഓപ്പറേഷൻ അജയ് വഴി ആദ്യ ഇന്ത്യൻ സംഘം ഇന്ന് രാവിലെയാണ് ദില്ലിയിലെത്തിയത്. ആദ്യ സംഘത്തിൽ 11 മലയാളികൾ ഉണ്ടായിരുന്നു. ഇസ്രയേലിലെ വിവിധ സർവകലാശാലകളിലും സ്ഥാപനങ്ങളിലുമായി നിരവധി ഇന്ത്യൻ വിദ്യാര്ഥികളുണ്ട്. ഇത് കൂടാതെ കെയർഗിവേഴ്സ് പോലുള്ള ജോലികളിൽ ഏർപ്പെടുന്ന ഇന്ത്യക്കാർ അനവധി പേർ ഇസ്രയേലിലുണ്ട്. ഇവരിൽ മടങ്ങിവരേണ്ടവർക്കായാണ് ഓപ്പറേഷൻ അജയ് ഏർപ്പെടുത്തിയത്.
അതേസമയം, ഇസ്രായേല്‍ ഗാസ സംഘര്‍ഷം രൂക്ഷമായിത്തന്നെ തുടരുകയാണ്. മധ്യ ഗാസ ചീന്തിലെ നുസൈറത്ത് അഭയാർഥി ക്യാമ്പിൽ അഭയംതേടിയ 18 പേരെ ഇസ്രയേൽ സേന ബോംബിട്ട് കൊന്നു. ശാത്തി ക്യാമ്പിൽ 10 പേരെയും ബോംബിങ്ങിൽ വധിച്ചു. അഭയകേന്ദ്രങ്ങളും സുരക്ഷിതമല്ലാത്ത അവസ്ഥയാണെന്നാണ് യു.എൻ ഏജൻസികൾ വ്യക്തമാക്കുന്നത്. വലിയ കെട്ടിടങ്ങളും സാധാരണ വീടുകളും ലക്ഷ്യമിട്ട് മിസൈലുകളും ബോംബുകളും വർഷിച്ച ആക്രമണം മണിക്കൂറുകളോളമാണ് നീണ്ടുനിന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
